II Phung Hađăch 7:15 - Nau Brah Ndu Ngơi 2023

¹⁵ Khân păng hăn tĭng phung tahan Aram kŏ tât ta dak krong Yurdan. Dôl tâm du njăr trong nây, khân păng saơ bêng ma kho ao jêh ri ndô ndơ phung tahan Aram mƀăr lơi tâm nôk nchuăt du. Phung prơh hăn plơ̆ sĭt jêh ri mbơh ma hađăch.

II Phung Hađăch 7:15 ပူးပေါင်းရင်းမြစ်များ

II Phung Hađăch 7:14

Pônây, khân păng sŏk bar bôk ndeh jêh ri kât seh lăp, jêh nây hađăch prơh khân păng hăn tĭng phung tahan Aram jêh ri lah: “Hăn uănh hom mâm nau!”

II Phung Hađăch 7:16

Phung ƀon lan hăn luh ro jêh ri sŏk pit lĕ ndô ndơ tâm pôih phung tahan Aram. Yor ri pơh lit rnih môi tăch jât ma nguay gram prăk, jêh ri jât ma puăn lit ba ôrgơ tăch đŏng jât ma nguay gram prăk, di tĭng nâm nau Brah Yêhôva ngơi jêh.

Êsther 1:7

Bu ndrăp ndrănh ma kachok mah, âk ntil kachok êng êng. Hađăch ndrăp âk ngăn ntil ndrănh, tĭng nâm nau lŏng hađăch.

Ndrom Samƀŭt bơh Yôp 2:4

Satan plơ̆ sĭt lah ma Brah Yêhôva, “‘Sŏk ntâu ntrok ntâu!’ Khân păng rơm ndrăp jêh ăn lĕ rngôch ndơ păng geh gay tâm rklaih nau rêh păng.

Nơm Nti 3:6

Geh năng tĭng joi, geh năng ƀư roh; Geh năng prăp tay, geh năng mƀăr lơi;

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 22:24

Bu mra yông kât ta păng lĕ nau chrêk rmah mbơ̆ păng, phung kon sau, noi deh, jêh ri lĕ rngôch lĕ ndơ dŏng jê̆ jê̆, ntơm bơh kachok tât ma yăng jê̆.’”

Êsai 31:7

Yorlah tâm nar nây, ăp nơm mra mƀăr lơi lĕ rup brah ƀư ma prăk jêh ri ma mah, yor bơh ti tih mhĭk khân may nơm ƀư jêh.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

ហេឞ្រើ 12:1

Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.