II Phung Hađăch 7:1 - Nau Brah Ndu Ngơi 2023

¹ Y-Êlisê lah: “Iăt hom nau Brah Yêhôva! Brah Yêhôva lah kơt aơ: ‘Nar ôi taơ, di mông aơ, ta mpông ƀon Samari, pơh lit rnih môi bu mra tăch jât ma nguay gram prăk, jêh ri jât ma puăn lit ba ôrgơ mra tăch jât ma nguay gram prăk.’”

II Phung Hađăch 7:1 ပူးပေါင်းရင်းမြစ်များ

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

II Phung Hađăch 20:16

Nôk nây, Y-Êsai lah ma Y-Hêsêkia: “Dăn ma may iăt nau Brah Yêhôva ngơi:

II Phung Hađăch 4:42

Du huê bu klâu văch tă bơh Baal-Salisa, djôt leo ma bunuyh Brah Ndu piăng let bu ƀư ma play dak bôk, geh bar jât mpơng piăng let ba ôrgơ, jêh ri ba hôm nkong tâm ƀau păng. Y-Êlisê lah: “Ăn hom ma lĕ rngôch bunuyh sa.”

II Phung Hađăch 6:25

Yorlah ƀon lĕ bu nchueng jŏ nar jêh, pôri ta ƀon Samari tât geh nau ji ngot toyh ngăn kŏ tât du bôk seh bri bu tăch pham jât glo prăk, jêh ri du khăl jê̆ ek sĭm plŭk bu tăch prăm glo prăk.

II Phung Hađăch 6:33

Tâm nôk Y-Êlisê hôm e ngơi ndrel ma khân păng, bunuyh mbơh văch tât jêh ri lah ma păng: “Nau mhĭk aơ luh tă bơh Brah Yêhôva. Pôri, mâm ƀư gâp hôm kâp gân ma Brah Yêhôva?”

II Phung Hađăch 7:16

Phung ƀon lan hăn luh ro jêh ri sŏk pit lĕ ndô ndơ tâm pôih phung tahan Aram. Yor ri pơh lit rnih môi tăch jât ma nguay gram prăk, jêh ri jât ma puăn lit ba ôrgơ tăch đŏng jât ma nguay gram prăk, di tĭng nâm nau Brah Yêhôva ngơi jêh.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Ngluh Êjipt 14:13

Y-Môis lah ma phung ƀon lan: “Lơi klach ôh, iăt ma gŭ nâp jêh ri mra saơ nau tâm rklaih bơh Brah Yêhôva mra ƀư ăn ma khân may nar aơ. Lĕ phung Êjipt khân may saơ nar aơ mâu hôm ôh mra saơ.

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 8:23

Gâp mra prăp êng phung ƀon lan Gâp đah phung ƀon lan may. Nau mbên khlay aơ ôi taơ mra tât.’”

Êsai 1:10

Ơ phung chiă uănh ƀon Sôdôm, Gŭ iăt hom nau Brah Yêhôva ngơi! Ơ phung ƀon lan Gômôrơ, Rkêng hom tôr iăt nau vay Brah Ndu he!

Êsêkiêl 37:4

Păng lah tay ma gâp, “Mbơh lor hom ma nting nây jêh ri lah ma khân păng: ‘Hơi nting kro, iăt hom nau Brah Yêhôva.’

Yôhan 6:9

“Geh du huê oh kon se ndăm geh prăm mlâm piăng let ba ôrgơ jêh ri bar mlâm ka, ƀiălah âk bunuyh tâm ban pônây, mâm dơi tŏng ma khân păng?”

Yôsuê 3:5

Y-Yôsuê lah ma phung ƀon lan: “Ƀư kloh hom khân may nơm, yorlah nar ôi taơ Brah Yêhôva mra ƀư âk nau kan khlay ngăn ta nklang khân may.”

Nau Tâm Mpơl 6:6

Gâp tăng nâm bu geh bâr ta nklang puăn mlâm mpa rêh lah pô aơ: “Du đơniê du njơ ba ƀlê; du đơniê pe njơ ba ôrgơ; ƀiălah dak ngi ôlive jêh ri ndrănh lơi pah tât.”

I Samuel 11:9

Khân păng lah ma phung mbơh hŏ văch jêh tă bơh Gilêat pô aơ: “Hăn sĭt hom lah ma phung Jabes Gilêat kơt aơ: ‘Ôi taơ, tơlah nar hao prêh klơ, khân may mra geh nau tâm rklaih.’” Tơlah phung hăn mbơh tât jêh, jêh ri mbơh ma phung bu klâu ta ƀon Jabes, khân păng maak ngăn,

I Samuel 15:1

Y-Samuel lah ma Y-Sôl: “Brah Yêhôva prơh gâp hăn tŏ dak ƀâu kah ma may gay chiă uănh ma phung Israel jêng phung ƀon lan Păng. Pônây aƀaơ, gŭ iăt hom nau Brah Yêhôva lah.