II Phung Hađăch 6:29 - Nau Brah Ndu Ngơi 2023

²⁹ Pôri hên gâm kon bu klâu gâp jêh ri sa puăch păng. Ôi taơ, gâp geh lah ma păng: ‘Djôt leo hom kon ay văch ta aơ gay he sa puăch păng.’ Ƀiălah păng pôn lơi jêh kon bu klâu păng.”

II Phung Hađăch 6:29 ပူးပေါင်းရင်းမြစ်များ

I Phung Hađăch 3:26

Bu ur geh kon hôm e rêh phit nuih n'hâm hâu ngăn yor rŏng kon păng nơm, lah ma hađăch: “Hơi, kôranh gâp! Ăn hom ma păng kon se hôm rêh, lơi ta nkhĭt păng!” Ƀiălah bunuyh ri lah: “Păng mâu mra jêng kon gâp, mâu đŏng jêng kon ay, blah hom păng tâm pă bar buh!”

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 66:13

Gâp mra bonh leng khân may Tâm ban ma me bonh leng kon păng, Khân may mra geh nau tâm bonh leng tâm Yêrusalem.”

Nau Nhĭm Vơl 4:10

Bar ti mê̆ bêng ma nuih n'hâm yô̆ klâng ngăn, Hôm gâm puăch kon păng nơm; Njêng khân păng jêng ndơ sông sa Tâm nôk bu jot plên phung bu ur ƀon lan gâp.

Kan Lêvi 26:27

Tơlah tât kơt nây jêh, ƀiălah khân may ăt mâu ŭch iăt Gâp, hôm ma tâm rdâng đah Gâp,

Kan Lêvi 26:29

Khân may mra sa puăch kon bu klâu kon bu ur khân may nơm;

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

Nau Vay Nkah Tay 28:53

Tâm nôk bu nchueng jŭm jêh ri phung rlăng ƀư ma khân may mâu hôm geh ntŭk joi ôh, khân may mra sa play bơh ndŭl proch săk jăn khân may nơm, nâm bu ntĭt sa puăch kon bu klâu jêh ri kon bu ur Yêhôva Brah Ndu ăn jêh ma khân may.

Nau Vay Nkah Tay 28:57

jêh nây sa ntŭng êng ma lĕ ro rsok kon luh tă ndŭl păng nơm nđâp ma kon bê păng nơm deh, yorlah păng pưt kƀah ir.