II Phung Hađăch 6:21 - Nau Brah Ndu Ngơi 2023

²¹ Tơlah saơ khân păng, hađăch Israel ôp ma Y-Êlisê: “Hơi mbơ̆, dơi lĕ gâp nkhĭt lơi khân păng? Dơi lĕ gâp nkhĭt lơi khân păng?”

II Phung Hađăch 6:21 ပူးပေါင်းရင်းမြစ်များ

II Phung Hađăch 13:14

Y-Êlisê geh nau ji, jêh ri yorlah nau ji nây păng khĭt. Alor, Y-Jôas, hađăch Israel, hăn trŭnh chop khâl păng, nhĭm tanăp măt păng jêh ri lung nter: “Hơi mbơ̆ gâp! hơi mbơ̆ gâp! Ndeh seh jêh ri phung tahan ncho seh Israel!”

II Phung Hađăch 2:12

Y-Êlisê uănh saơ nau nây jêh ri nter huy: “Mbơ̆ gâp! Mbơ̆ gâp! Ndeh seh jêh ri seh ndơ tâm lơh phung Israel!” Jêh nây păng mâu hôm saơ Y-Êli ôh. Păng kuăn ta ao păng nơm khêk jêng bar nchroi.

II Phung Hađăch 5:13

Ƀiălah phung oh mon păng văch êp păng, jêh ri lah: “Ơ mbơ̆, tơlah nơm mbơh lor geh ntĭnh ma may ƀư du nau jêr, mâm may mâu mra ƀư? Rlau lơn ma aƀaơ păng knŏng lah ma may: ‘Ŭm hom jêh ri jêng kloh!’”

II Phung Hađăch 8:9

Pônây Y-Hasael hăn mâp bunuyh Brah Ndu, djôt leo ndrel păng du ndơ nhhơr, geh lĕ rngôch ntil ndơ ueh lơn ngăn ta Damas, dơm bêng klơ puăn jât seh samô. Păng hăn tât jêh ri mpơl măt tanăp Y-Êlisê jêh ri lah: “Kon bu klâu may Y-Ben-Hadat, hađăch Aram, prơh gâp hăn ma may gay ôp pô aơ: ‘Gâp mra dơi bah lĕ bơh nau ji aơ?’”

Luka 22:49

Phung bunuyh gŭ ndrel ma Brah Yêsu saơ nau dăch tât nây lah ro: “Ơh Kôranh Brah, he dơi dŏng đao gưm dong mâu lah mâu?”

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.

I Samuel 24:4

Y-Sôl hăn văch dăch ndrung biăp êp trong. Ta nây geh du trôm lŭ, Y-Sôl lăp ta nây gay hăn puk ndŭl. Nôk nây, Y-Đavit jêh ri phung tĭng ndô̆ păng dôl gŭ tâm glĕ dŭt trôm.

I Samuel 26:8

Y-Abisai lah ma Y-Đavit: “Nar aơ, Brah Ndu jao jêh nơm rlăng may tâm ti may. Ăn gâp sŏk tak gay ntâp păng, knŏng du tong dơm mra rchiăt păng tâm neh; mâu hôm ŭch ntâp tal bar ôh.”