II Phung Hađăch 6:17 - Nau Brah Ndu Ngơi 2023

¹⁷ Jêh nây Y-Êlisê mbơh sơm: “Hơi Brah Yêhôva, dăn ma may pơk măt ma oh mon gâp, gay păng dơi saơ.” Brah Yêhôva pơk măt oh mon nây, jêh nây păng dơi saơ klơ yôk bêng ma seh jêh ri ndeh seh ma ŭnh dôl gŭ jŭm Y-Êlisê.

II Phung Hađăch 6:17 ပူးပေါင်းရင်းမြစ်များ

Nau Ntơm 21:19

Brah Ndu pơk ăn măt H'Agar lin jêh ri păng saơ du ntu dak. Păng bâk dak bêng nông ntâu jêh djôt ăn kon jê̆ nhêt.

Nau Ntơm 32:1

Y-Yakôb dâk hăn tay; phung tông mpăr Brah Ndu tâm mâp đah păng.

Nau Ntơm 32:2

Nôk saơ khân păng nây, Y-Yakôb lah: “Aơ jêng ntŭk rmlak tahan Brah Ndu!” Yor ri păng rnha ntŭk nây Mahanaim.

Nau Ntơm 32:3

Y-Yakôb đă bunuyh hăn mbơh lor ma păng gay mâp Y-Êsau, nâu păng, ta n'gor Sêir tâm nkual Êđôm.

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

Nau Mprơ Ơm 104:3

Păng dơm lĕ rda jrô prêh Păng ta klơ dak prêh, Dŏng ndâr tŭk ƀư ndeh seh, Jêh ri ncho ta klơ năr sial.

Nau Mprơ Ơm 104:4

Păng mprơh sial jêng nơm mbơh Păng, Mpiăt ŭnh ƀư oh mon Păng.

Nau Mprơ Ơm 119:18

Dăn may pơk an măt gâp Gay ma gâp dơi saơ ntil khlay tâm nau vay May.

Nau Mprơ Ơm 125:2

Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Mprơ Ơm 91:11

Yorlah Păng mra ăn nau ntrŭnh ma phung tông mpăr Păng Mât mray may tâm lĕ trong may.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Daniel 10:7

Gâp, Y-Daniel, knŏng du huê gâp saơ nau tâm saơ nây. Lĕ phung bunuyh gŭ ndrel ma gâp nđâp lah mâu saơ ôh nau tâm saơ, ƀiălah khân păng klach râm sâr, nchuăt du gay joi ntŭk krap săk khân păng nơm.

Sakari 1:8

Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Nau Kơp Bunuyh 22:31

Nôk nây, Brah Yêhôva pơk măt Y-Balaam jêh ri Y-Balaam saơ tông mpăr Brah Yêhôva dâk ta nklang trong, djôt đao rnglay tâm ti păng. Y-Balaam kŭnh bôk păng nơm, chŭn muh măt ta neh.

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: