II Phung Hađăch 6:14 - Nau Brah Ndu Ngơi 2023

¹⁴ Yor nây, păng prơh hăn tât ta nây du phung tahan ktang ndrel ma seh jêh ri ndeh seh. Khân păng tât ntŭk nây dôl măng jêh ri nchueng jŭm ƀon nây.

II Phung Hađăch 6:14 ပူးပေါင်းရင်းမြစ်များ

II Phung Hađăch 18:17

Ƀiălah hađăch Asiri prơh Y-Tartan, Y-Rabsaris, jêh ri Y-Rapsaka hăn, djôt leo ndrel ma du phung tahan ktang tă bơh Lakis tât ta ƀon Yêrusalem tâm mâp đah hađăch Hêsêkia. Khân păng hao tât ta ƀon Yêrusalem. Tơlah tât ta nây, khân păng gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

II Phung Hađăch 6:13

Hađăch lah: “Hăn hom joi uănh ta ntŭk păng gŭ, gay ma gâp prơh bunuyh hăn nhŭp păng.” Geh bu nkoch ma hađăch gĭt: “Păng gŭ tâm ƀon Dôthan.”

II Phung Hađăch 6:15

Phung oh mon bunuyh Brah Ndu kah rngăl ơm ôi jêh ri hăn luh du padih, saơ du phung tahan ndrel ma seh jêh ri ndeh seh dôl nchueng jŭm ƀon. Păng lah đah Y-Êlisê: “Hơi kôranh gâp! Mâm he mra ƀư?”

Mathay 26:47

Dôl Brah Yêsu ngơi, Y-Yuđas Iskariôt, du huê tâm jât ma bar oh mon văch ndrel ma phung âk djôt đao jêh ri mâng tă bơh phung kôranh ƀư brah toyh jêh ri phung bu ranh njuăl tât.

Mathay 26:55

Dôl rnôk nây, Brah Yêsu lah ma phung âk nây pô aơ: “Mâm ƀư khân may djôt đao jêh ri mâng văch gay nhŭp Gâp nâm bu nhŭp du huê bunuyh ntŭng? Ăp nar Gâp gŭ ntĭm nti tâm ngih brah, ƀiălah khân may mâu nhŭp Gâp.

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.

I Samuel 23:26

Y-Sôl hăn hao pŭng yôk đah aơ, bi Y-Đavit jêh ri phung tahan păng hăn pŭng yôk đah ri. Y-Đavit nchuăt du ndal gay klaih bơh Y-Sôl. Ƀiălah dôl Y-Sôl jêh ri phung tahan păng nchueng jŭm gay nhŭp Y-Đavit jêh ri phung tĭng ndô̆ păng,

I Samuel 24:2

Tơlah Y-Sôl lĕ sĭt jêh tă bơh tĭng rgot phung Philistin, bu mbơh ma păng: “Aơ, Y-Đavit gŭ tâm bri rdah Êngêdi”