II Phung Hađăch 6:13 - Nau Brah Ndu Ngơi 2023

¹³ Hađăch lah: “Hăn hom joi uănh ta ntŭk păng gŭ, gay ma gâp prơh bunuyh hăn nhŭp păng.” Geh bu nkoch ma hađăch gĭt: “Păng gŭ tâm ƀon Dôthan.”

II Phung Hađăch 6:13 ပူးပေါင်းရင်းမြစ်များ

Nau Ntơm 37:17

Bunuyh nây lah: “Khân păng du jêh bơh aơ, yorlah gâp tăng khân păng lah: ‘He hăn trơn hom ta Dôthan.’” Pôri, Y-Yôsep hăn joi phung nâu păng jêh ri mâp khân păng ta Dôthan.

II Phung Hađăch 1:9

Hađăch prơh du huê kôranh ma prăm jât bunuyh tahan djôt leo prăm jât bunuyh tahan păng hăn hao tâm mâp đah Y-Êli. Nôk nây, Y-Êli dôl gŭ ta klơ du n'gơn yôk. Kôranh nây lah ma păng: “Hơi bunuyh Brah Ndu, hađăch lah ma may: ‘Jŭr hom!’”

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

II Phung Hađăch 6:14

Yor nây, păng prơh hăn tât ta nây du phung tahan ktang ndrel ma seh jêh ri ndeh seh. Khân păng tât ntŭk nây dôl măng jêh ri nchueng jŭm ƀon nây.

Yêrêmi 36:26

Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.