II Phung Hađăch 6:12 - Nau Brah Ndu Ngơi 2023

¹² Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

II Phung Hađăch 6:12 ပူးပေါင်းရင်းမြစ်များ

II Phung Hađăch 5:26

Ƀiălah Y-Êlisê lah ma păng: “Tơlah bu klâu nây jŭr tă klơ ndeh seh gay hăn chuă may, mâu di hĕ huêng gâp hăn ndrel may? Aƀaơ aơ, di lĕ jêng mông, hŏ sŏk dơn prăk, kho ao, đang play ôlive, đang krăk ƀâu, biăp, ndrôk, oh mon bu klâu jêh ri oh mon bu ur?

II Phung Hađăch 5:3

Geh du nar, păng lah ma kôranh bu ur păng: “Ơ! Ueh lơn kôranh gâp hăn tât ma nơm mbơh lor gŭ ta ƀon Samari! Nơm nây mra sâm ƀư bah nau ji phŭng ma kôranh gâp.”

II Phung Hađăch 5:8

Tơlah Y-Êlisê, bunuyh Brah Ndu, tăng lư ma hađăch Israel hŏ nkhêk jêh ao păng, păng prơh bunuyh hăn lah ma hađăch: “Mâm ƀư may nkhêk ao may? Lah hom Y-Naaman văch ma gâp, gay ma păng mra gĭt tâm n'gor Israel geh du huê nơm mbơh lor.”

II Phung Hađăch 6:11

Nau nây ƀư ma hađăch Aram uh ah ngăn tâm nau mĭn, pôri păng kuăl phung oh mon păng jêh ri lah: “Khân may mra tâm mpơl lĕ ma gâp, mbu nơm tâm phung he gŭ mpeh ma hađăch Israel?”

II Phung Hađăch 6:13

Hađăch lah: “Hăn hom joi uănh ta ntŭk păng gŭ, gay ma gâp prơh bunuyh hăn nhŭp păng.” Geh bu nkoch ma hađăch gĭt: “Păng gŭ tâm ƀon Dôthan.”

Nau Ngluh Êjipt 8:3

Dak krong mra bêng ler ma kĭt; khân păng mra vơr lăp tâm ngih hađăch, tâm jrô bê̆ch jêh ri hao đŏng tâm sưng may bê̆ch, lăp tâm ngih phung oh mon may jêh ri phung ƀon lan may, lăp tâm ŭnh năk jêh ri tâm thŭng piăch rnih may.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nơm Nti 10:20

Nđâp tâm nau mĭn may, lơi rak rtăp hađăch ôh, Nđâp tơlah tâm jrô bê̆ch, may ăt lơi rak rtăp bunuyh ndrŏng kuăng; Yorlah sĭm klơ trôk mra rƀiah bâr ngơi, Jêh ri mpa geh nting năr mra nkoch tay nau nây.

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.