II Phung Hađăch 5:8 - Nau Brah Ndu Ngơi 2023

⁸ Tơlah Y-Êlisê, bunuyh Brah Ndu, tăng lư ma hađăch Israel hŏ nkhêk jêh ao păng, păng prơh bunuyh hăn lah ma hađăch: “Mâm ƀư may nkhêk ao may? Lah hom Y-Naaman văch ma gâp, gay ma păng mra gĭt tâm n'gor Israel geh du huê nơm mbơh lor.”

II Phung Hađăch 5:8 ပူးပေါင်းရင်းမြစ်များ

II Samuel 3:31

Y-Đavit lah ma Y-Jôap jêh ri lĕ rngôch phung ƀon lan tĭng ndô̆ păng: “Nkhêk hom ao khân may, nsoh ao ma bok ƀau, jêh ri nhĭm vơl ma Y-Apner.” Jêh nây Y-Đavit tĭng groi băng.

I Phung Hađăch 12:22

Ƀiălah geh nau Brah Ndu ngơi ma Y-Sêmaya, bunuyh Brah Ndu:

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

II Phung Hađăch 1:6

Khân păng plơ̆ lah: “Geh du huê bunuyh hăn hao, tâm mâp đah hên jêh ri lah: ‘Plơ̆ sĭt hom ma hađăch nơm hŏ prơh khân may hăn jêh ri lah ma hađăch pô aơ Brah Yêhôva lah: Tâm phung Israel mâu hĕ geh Brah Ndu kŏ tât may prơh nơm mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’”

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

II Phung Hađăch 5:3

Geh du nar, păng lah ma kôranh bu ur păng: “Ơ! Ueh lơn kôranh gâp hăn tât ma nơm mbơh lor gŭ ta ƀon Samari! Nơm nây mra sâm ƀư bah nau ji phŭng ma kôranh gâp.”

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

II Phung Hađăch 5:9

Pônây Y-Naaman văch tât ndrel ma seh jêh ri ndeh seh nsrâng ta mpông ngih Y-Êlisê.

Nau Ngluh Êjipt 11:8

Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Êsêkiêl 2:5

Nđâp lah khân păng iăt mâu lah mâu iăt nau may yorlah khân păng jêng ngih mơng vay tâm rdâng, khân păng mra gĭt geh jêh du huê nơm mbơh lor ta nklang khân păng.

Ndrom Samƀŭt bơh Ôsê 12:13

Y-Yakôb du pôn rlet ma bri Aram; Israel ƀư dĭk gay geh ur, Yorlah gay geh ur mra hăn chiăp biăp.

Samƀŭt Pôl Njuăl Ăn Ma Phung Nsing Ta Ƀon Rôm 11:13

Gâp lah ma khân may jêng phung bu năch: ndah jŏ gâp hôm jêng du huê kôranh oh mon ma phung bu năch, gâp mra ƀư chrat ang ma nau pah kan gâp nơm

I Samuel 9:6

Oh mon lah ma păng: “Aơ! geh du huê bunuyh Brah Ndu tâm ƀon aơ, jêng du huê bu yơk; Lĕ nau păng lah lor tât da dê mâu tih ôh. Pônây, he hăn hom ta nây, klăp lah păng mra ntĭm an trong ma he.”