II Phung Hađăch 5:26 - Nau Brah Ndu Ngơi 2023

²⁶ Ƀiălah Y-Êlisê lah ma păng: “Tơlah bu klâu nây jŭr tă klơ ndeh seh gay hăn chuă may, mâu di hĕ huêng gâp hăn ndrel may? Aƀaơ aơ, di lĕ jêng mông, hŏ sŏk dơn prăk, kho ao, đang play ôlive, đang krăk ƀâu, biăp, ndrôk, oh mon bu klâu jêh ri oh mon bu ur?

II Phung Hađăch 5:26 ပူးပေါင်းရင်းမြစ်များ

Nau Ntơm 14:23

gâp mâu geh sŏk ôh moh ntil ndơ bơh hađăch, mâu lah du njăr rse brai, mâu lah du njăr rse kât ntâu jot kađôi, klach lah hađăch lah: ‘Gâp n'hao drŏng ma Y-Abram’.

II Phung Hađăch 5:16

Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng, jêng Nơm gâp pah kan, gay sơm ton pô aơ gâp mâu dơn du ntil ndơ ôh.” Y-Naaman bonh leng Y-Êlisê dơn ndơ nây, ƀiălah păng dun.

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

Nau Mprơ Ơm 63:11

Ƀiălah hađăch mra hâk răm tâm Brah Ndu; Lĕ rngôch phung tâm amoh May ma nau ton săk mra geh nau yơk da dê. Bi ma mbung phung mƀruh mra mêm lơi.

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Nau Hôr 12:22

Bâr ngơi mƀruh jêng nau tâm rmot đah Brah Yêhôva, Bi ma bunuyh ƀư nau nanê̆ ngăn mra ƀư maak nuih n'hâm Păng.

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Ndrom Samƀŭt bơh Agê 1:4

“Aƀaơ di lĕ jêng nôk khân may gŭ tâm trôm ngih ndop klơ ma kađar, dôl ngih aơ hôm e rlâm rai?

Mathay 10:8

Ăn khân may ƀư bah bunuyh ji kuet, ƀư ăn ma bunuyh khĭt dâk rêh tay, ƀư kloh bah ma phung bunuyh geh phŭng sa, jêh ri mprơh brah mhĭk. Khân may hŏ dơn jêh dơm dam, ăn hom ma bu dơm dam đŏng.

Kôranh Oh Mon 20:33

Gâp mâu kơnh ir ma prăk, mah, mâu lah bok ao bu ôh.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Kôranh Oh Mon 5:9

Y-Pêtrôs lah: “Mâm ƀư khân ay du ai tâm chră jêh gay ma rlong uănh Brah Huêng Ueh Kôranh Brah? Ri, jâng phung bunuyh hăn tâp jêh sai ay dôl gŭ padih mpông, khân păng mra tung tâp ay đŏng.”

I Kôrintô 5:3

Yorlah gâp, săk jăn ngai, ƀiălah nuih n'hâm gâp gŭ ndrel ma khân may ta nây. Gâp rmal jêh nơm ƀư nau nây, tâm ban ma gâp geh măt ta nây.

Kôlôh 2:5

Nđâp lah săk jăn gâp ngai bơh khân may, ƀiălah huêng gâp ăt hôm gŭ ndrel ma khân may, gâp maak ngăn saơ oh nâu geh nau gŭ rêh tâm rnglăp jêh ri nau chroh khân may nâp tâm Brah Krist.