II Phung Hađăch 5:22 - Nau Brah Ndu Ngơi 2023

²² Y-Gêhasi plơ̆ lah: “Lĕ rngôch nau jêng nau đăp mpăn. Kôranh gâp prơh gâp hăn lah ma may: ‘Ndơh nơh, geh bar hê phung bu klâu ndăm, jêng oh mon phung nơm mbơh lor, tă bơh n'gor klơ dor yôk Êphraim văch tât. Gâp dăn ma may ăn ma khân păng pe jât kilô prăk jêh ri bar gu kho ao.’”

II Phung Hađăch 5:22 ပူးပေါင်းရင်းမြစ်များ

I Phung Hađăch 13:18

Nơm mbơh lor ranh lah tay: “Gâp jêng du huê nơm mbơh lor nâm bu may đŏng. Du huê tông mpăr hŏ tông bâr Brah Yêhôva ngơi ma gâp pô aơ: ‘Leo hom păng sĭt lăp tâm ngih ndrel ma may, gay ăn păng sa piăng let jêh ri nhêt dak.’” Ƀiălah nơm mbơh lor ranh aơ hŏ lah mƀruh ma păng.

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

I Phung Hađăch 20:39

Dôl hađăch hăn rgăn, păng nter huy ma hađăch pô aơ: “Oh mon may dôl gŭ ta nklang nau tâm lơh, geh du huê bunuyh njŭn du huê bu nă jêh ri lah: ‘Sâm njrăng mât bunuyh aơ, tơlah ăn păng nchuăt klaih, nau rêh may mra ntrok nau rêh păng, mâu lah may mra ntrok pe jât kilô prăk.’

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:5

Phung oh mon phung nơm mbơh lor gŭ ta Yêrikô hăn văch dăch Y-Êlisê, jêh ri ôp: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:7

Geh prăm jât nuyh tâm phung oh mon phung nơm mbơh lor hăn ndrel tâm ban lĕ, gŭ râng ngai ƀah, panăp đah ntŭk Y-Êli jêh ri Y-Êlisê dôl dâk êp kơh dak krong Yurdan.

II Phung Hađăch 4:26

Nchuăt hăn ran hom jêh ri ôp păng: ‘Ay geh nau đăp mpăn lĕ? Sai ay jêh ri kon se ay geh nau đăp mpăn lĕ?’” Păng plơ̆ lah: “Đăp mpăn.”

II Phung Hađăch 5:21

Pônây Y-Gêhasi nchuăt tĭng pakơi Y-Naaman. Tơlah Y-Naaman saơ Y-Gêhasi nchuăt tĭng pakơi păng nơm, păng jŭr bơh ndeh seh, gay tâm mâp đah nơm nây, jêh ri ôp: “Lĕ rngôch nau jêng nau đăp mpăn lĕ?”

II Phung Hađăch 5:25

Y-Gêhasi lăp kơl kan ma kôranh păng, Y-Êlisê ôp: “Hơi Y-Gêhasi, mbah ntŭk may hăn ndơh?” Păng plơ̆ lah: “Oh mon may mâu geh ntŭk hăn ôh.”

II Phung Hađăch 5:5

Hađăch Aram lah: “Pôri may hăn hom, gâp mra njuăl samƀŭt ma hađăch Israel.” Pônây, Y-Naaman hăn, djôt leo ndrel păng pe rhiăng kilô prăk, prao rbăn prăk mah, jêh ri jât gu kho ao.

Êsai 59:3

Yorlah mpang ti khân may ƀơ̆ ƀơch jêh yor ma krêp mham, Nglau ti khân may ƀơ̆ ƀơch yor nau tih, Mbung khân may ngơi nau mƀruh, Mpiăt khân may ngơi huêt nau ƀai.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Yôsuê 24:33

Y-Êlêasar, kon bu klâu Y-Arôn, khĭt, jêh ri bu tâp păng ta ƀon Gêbêa, jêng kô̆ neh ăn ma kon bu klâu păng jêng Y-Phinêas, tâp păng ta ƀon Gêbêa, tâm bri klơ dor yôk Êphraim.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Phung Kôranh Phat Dôih 14:12

Y-Samsôn lah ma phung băl: “Gâp mra ăn ma khân may du nau nchroh n'hôr. Tơlah khân may dơi rblang nau nây ma gâp tâm pơh nar nau nhêt sa, gâp mra nkhôm ma khân may pe jât blah ao ma bok mhay jêh ri pe jât kôp ao padih.