II Phung Hađăch 5:20 - Nau Brah Ndu Ngơi 2023

²⁰ oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

II Phung Hađăch 5:20 ပူးပေါင်းရင်းမြစ်များ

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

II Phung Hađăch 13:19

Bunuyh Brah Ndu ji nuih ma hađăch jêh ri lah: “Tơlah hađăch hŏ dong prăm mâu lah prao tơ̆, ri mơ may dơi dong tahan Aram kŏ tât may ƀư ăn rai roh khân păng. Ƀiălah aƀaơ aơ, may mra dong bri Aram knŏng pe tơ̆ dơm.”

II Phung Hađăch 4:12

Păng lah ma Y-Gêhasi, oh mon păng: “Kuăl hom bu ur ƀon Sunem văch ta aơ.” Y-Gêhasi hăn kuăl păng, jêh ri păng hăn tât dâk tanăp Y-Êlisê.

II Phung Hađăch 4:25

Pônây, bu ur nây hăn trong văch ma bunuyh Brah Ndu ta klơ yôk Karmel. Bunuyh Brah Ndu saơ păng ntơm bơh ngai, păng lah ma Y-Gêhasi, oh mon păng: “Ri, bu ur ƀon Sunem văch tât!

II Phung Hađăch 4:31

Y-Gêhasi hăn lor panăp phung bar hê, jêh ri dơm mâng jra ta klơ muh măt kon se jê̆, ƀiălah mâu tăng nsôr, mâu lah nau mbên ma nau ŭch rêh ôh. Pônây păng plơ̆ sĭt chuă Y-Êlisê, jêh ri nkoch ăn păng: “Kon se jê̆ mâu kah rngăl ôh.”

II Phung Hađăch 4:36

Y-Êlisê kuăl Y-Gêhasi jêh ri lah: “Hăn kuăl hom bu ur ƀon Sunem.” Y-Gêhasi hăn kuăl bu ur nây. Tơlah bu ur nây văch jêh, Y-Êlisê lah ma păng: “Chông hom kon bu klâu ay!”

II Phung Hađăch 5:16

Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng, jêng Nơm gâp pah kan, gay sơm ton pô aơ gâp mâu dơn du ntil ndơ ôh.” Y-Naaman bonh leng Y-Êlisê dơn ndơ nây, ƀiălah păng dun.

II Phung Hađăch 5:21

Pônây Y-Gêhasi nchuăt tĭng pakơi Y-Naaman. Tơlah Y-Naaman saơ Y-Gêhasi nchuăt tĭng pakơi păng nơm, păng jŭr bơh ndeh seh, gay tâm mâp đah nơm nây, jêh ri ôp: “Lĕ rngôch nau jêng nau đăp mpăn lĕ?”

II Phung Hađăch 6:31

Hađăch sơm ton pô aơ: “Mbơh sơm Brah Ndu rmal gâp jâk ngăn, tơlah nar aơ bôk Y-Êlisê, kon Y-Saphat, hôm e klơ săng nglik păng.”

II Phung Hađăch 8:4

Nôk nây, hađăch dôl ngơi ndrel đah Y-Gêhasi, oh mon bunuyh Brah Ndu. Hađăch lah: “Nkoch bri hom ma gâp tăng lĕ rngôch nau kan toyh Y-Êlisê ƀư jêh.”

II Phung Hađăch 8:7

Y-Êlisê hăn tât ma ƀon Damas tâm nôk nây hađăch Aram jêng Y-Ben-Hadat dôl ji. Tơlah geh bunuyh nkoch ma hađăch: “Geh bunuyh Brah Ndu mhe tât ta aơ,”

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Hôr 26:16

Bunuyh ƀlao mĭn êng păng nơm blau mĭn lơn Rlau pơh bunuyh dơi plơ̆ lah ma nau di.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

Mathay 10:4

Y-Simôn, bunuyh n'gor Kananêan, jêh ri Y-Yuđas Iskariôt, nơm rlăng Păng.

Mathay 26:9

Yorlah tăch dak ƀâu kah aơ sŏk rnoh prăk âk nây, djôt kơl ma bunuyh o ach.”

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

Yôhan 13:2

Dôl mông sa kêng măng, brah mhĭk hŏ srih nau mĭn tâm rlăng ma Păng tâm nuih n'hâm Y-Yuđas Iskariôt, kon Y-Simôn.

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”

Kôranh Oh Mon 5:2

Păng iăt nau ur păng prăp tay du kô̆ rnoh prăk tăch neh, jêh ri djôt leo kô̆ hôm e dơm ta jâng phung kôranh oh mon.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Titus 1:7

Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

I Samuel 14:39

Yorlah tĭng nâm Brah Yêhôva gŭ rêh mro mrăng, jêng Nơm tâm rklaih phung Israel, phung hŏ ƀư tih jêh nđâp lah nây jêng Y-Jônathan, kon bu klâu gâp, nanê̆ păng mra khĭt!” Mâu geh du huê nuyh tâm phung ƀon lan plơ̆ sĭt lah ôh ma păng.