II Phung Hađăch 5:17 - Nau Brah Ndu Ngơi 2023

¹⁷ Nglĕ dŭt, Y-Naaman lah: “Tơlah may dun, dăn ma may ăn ma oh mon may djôt neh di ma suan bar mlâm seh bri dơi rdeng. Yorlah ntơm bơh aƀaơ, oh mon may mâu mra hôm ôh nhhơr ndơ ƀư brah gŭch jêh ri mpa ƀư brah ma brah êng ôh, ƀiălah knŏng ma Brah Yêhôva.

II Phung Hađăch 5:17 ပူးပေါင်းရင်းမြစ်များ

II Phung Hađăch 5:12

Mâu hĕ geh bar dak krong ta ƀon Damas jêng Amana jêh ri Pharpar mâu ueh lơn ma lĕ rngôch dak tâm n'gor Israel? Gâp mâu dơi hĕ ŭm tâm dak krong ta nây jêh ri jêng kloh?” Pônây, păng ndôn kơi jêh ri ji nuih hâu ngăn hăn plơ̆ sĭt.

II Phung Hađăch 5:18

Ƀiălah dăn ma Brah Yêhôva yô̆ an ma oh mon may nau aơ: Ăp tơ̆ kôranh gâp lăp tâm ngih brah Rimôn gay yơk mbah ta nây, nsing ndăl ma ti gâp, pôri gâp ăt chon kômâk tâm ngih brah Rimôn. Pônây, dăn ma Brah Yêhôva yô̆ an nau nây ma oh mon may.”

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.