II Phung Hađăch 5:16 - Nau Brah Ndu Ngơi 2023

¹⁶ Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng, jêng Nơm gâp pah kan, gay sơm ton pô aơ gâp mâu dơn du ntil ndơ ôh.” Y-Naaman bonh leng Y-Êlisê dơn ndơ nây, ƀiălah păng dun.

II Phung Hađăch 5:16 ပူးပေါင်းရင်းမြစ်များ

I Phung Hađăch 13:8

Ƀiălah bunuyh Brah Ndu plơ̆ lah: “Nđâp tơlah may ăn ma gâp n'gul drăp ndơ may, gâp mâu đŏng lăp ôh ndrel ma may, mâu lah sa piăng let mâu lah nhêt dak tâm ntŭk aơ,

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:15

Y-Êli plơ̆ lah: “Gâp sŏk amoh Brah Yêhôva ma phung tahan gŭ rêh mro mrăng, jêng Nơm gâp pah kan, gay sơm ton pô aơ: Nar aơ gâp mra hăn tâm mâp đah Y-Ahap.”

II Phung Hađăch 3:14

Y-Êlisê lah: “Tanăp măt Brah Yêhôva ma phung tahan gŭ rêh mro mrăng, jêng Nơm gâp pah kan, gâp sơm ton pô aơ, tơlah mâu yơk chrê ôh ma Y-Jôsaphat, hađăch Yuđa, gâp mâu ŭch uănh ma may ôh jêh ri mâu ŭch saơ may đŏng.

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

II Phung Hađăch 5:26

Ƀiălah Y-Êlisê lah ma păng: “Tơlah bu klâu nây jŭr tă klơ ndeh seh gay hăn chuă may, mâu di hĕ huêng gâp hăn ndrel may? Aƀaơ aơ, di lĕ jêng mông, hŏ sŏk dơn prăk, kho ao, đang play ôlive, đang krăk ƀâu, biăp, ndrôk, oh mon bu klâu jêh ri oh mon bu ur?

Daniel 5:17

Tanăp hađăch, Y-Daniel plơ̆ lah: “Ăn may prăp ma may nơm lĕ ndơ ăn nây, jêh ri ăn nau nkhôm ma nơm êng! Ƀiălah, gâp mra răk rplay samƀŭt nchih nây jêh ri rblang ma may.

Mathay 10:8

Ăn khân may ƀư bah bunuyh ji kuet, ƀư ăn ma bunuyh khĭt dâk rêh tay, ƀư kloh bah ma phung bunuyh geh phŭng sa, jêh ri mprơh brah mhĭk. Khân may hŏ dơn jêh dơm dam, ăn hom ma bu dơm dam đŏng.

I Kôrintô 6:12

Gâp dơi vay ƀư lĕ ntil ndơ, ƀiălah mâu di lĕ ntil ndơ geh khlay ôh. Gâp dơi vay ƀư lĕ ntil ndơ, ƀiălah mâu ƀư dĭk ma du ntil ndơ ôh.

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.