II Phung Hađăch 5:11 - Nau Brah Ndu Ngơi 2023

¹¹ Ƀiălah Y-Naaman ji nuih, dâk sĭt jêh ri lah: “Gâp gŭ mĭn păng nơm mra hăn luh chuă vơt gâp jêh ri vơl dăn amoh Yêhôva Brah Ndu păng, yơr ti păng prot găn ta klơ ntŭk geh phŭng jêh ri ƀư bah ma gâp.

II Phung Hađăch 5:11 ပူးပေါင်းရင်းမြစ်များ

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

II Phung Hađăch 4:5

Păng tâm nkhah đah nơm mbơh lor. Jêh nau nây, păng jêh ri phung kon păng lăp tâm ngih, nchăng mpông. Khân păng djôt leo yăng tât ma păng troch dak ngi ôlive.

II Phung Hađăch 5:10

Y-Êlisê prơh bunuyh mbơh gay lah ma păng: “Hăn ŭm hom pơh tơ̆ tâm dak krong Yurdan, nglay săk may mra bah, jêh ri may mra jêng kloh.”

II Phung Hađăch 5:12

Mâu hĕ geh bar dak krong ta ƀon Damas jêng Amana jêh ri Pharpar mâu ueh lơn ma lĕ rngôch dak tâm n'gor Israel? Gâp mâu dơi hĕ ŭm tâm dak krong ta nây jêh ri jêng kloh?” Pônây, păng ndôn kơi jêh ri ji nuih hâu ngăn hăn plơ̆ sĭt.

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Mathay 15:27

Bu ur nây plơ̆ lah: “Ơ Kôranh Brah, di ngăn jêng kơt nây, ƀiălah phung so sa lĕ glo piăng let hăch tŭp tă bơh sưng kôranh khân păng nơm.”

Mathay 19:22

Dôl bu klâu ndăm tăng nau ngơi nây, păng du sĭt tâm nau rngot, yorlah păng geh drăp ndơ dŭt âk.

Mathay 8:8

Kôranh tahan plơ̆ lah: “Ơ Kôranh Brah, gâp mâu khư rom May lăp tâm ngih, knŏng dăn Kôranh Brah ngơi du tong ri mơ oh mon gâp mra dơi bah.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Yôhan 4:48

Brah Yêsu lah ma kôranh toyh pô aơ: “Tơlah mâu saơ ôh nau mbên khlay jêh ri nau khlay, nanê̆ khân may mâu chroh ôh!”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.