II Phung Hađăch 5:10 - Nau Brah Ndu Ngơi 2023

¹⁰ Y-Êlisê prơh bunuyh mbơh gay lah ma păng: “Hăn ŭm hom pơh tơ̆ tâm dak krong Yurdan, nglay săk may mra bah, jêh ri may mra jêng kloh.”

II Phung Hađăch 5:10 ပူးပေါင်းရင်းမြစ်များ

II Phung Hađăch 2:21

Păng hăn tât ta tu dak, nkhŭt boh ta nây jêh ri lah: “Brah Yêhôva lah kơt aơ: ‘Gâp hŏ ƀư bah jêh tu dak aơ, păng mâu mra hôm ôh ƀư nau khĭt mâu lah ƀư ma neh mâu jêng ndơ ôh.’”

II Phung Hađăch 3:16

Păng lah: “Brah Yêhôva lah kơt aơ: ‘Kuyh hom dŭt âk ntu lam tâm rlŭng aơ.’

II Phung Hađăch 4:35

Y-Êlisê chuat jŭr, hăn rsong dâng lơ tâm trôm jrô; jêh nây hao đŏng klơ sưng bê̆ch, dop klơ kon se jê̆ du tơ̆ đŏng. Nglĕ dŭt, kon se jê̆ si đah pơh tơ̆, jêh ri păng lin măt.

II Phung Hađăch 4:41

Y-Êlisê lah: “Djôt leo hom rnih môi tât ta aơ!” Păng nkhŭt rnih môi tâm glah ƀŭng jêh ri lah: “Sŏk hom ăn ma lĕ rngôch bunuyh sa.” Pônây, biăp tâm glah ƀŭng mâu hôm geh nau kăch ôh.

II Phung Hađăch 5:11

Ƀiălah Y-Naaman ji nuih, dâk sĭt jêh ri lah: “Gâp gŭ mĭn păng nơm mra hăn luh chuă vơt gâp jêh ri vơl dăn amoh Yêhôva Brah Ndu păng, yơr ti păng prot găn ta klơ ntŭk geh phŭng jêh ri ƀư bah ma gâp.

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Phung Hađăch 5:9

Pônây Y-Naaman văch tât ndrel ma seh jêh ri ndeh seh nsrâng ta mpông ngih Y-Êlisê.

Nau Ngluh Êjipt 4:18

Y-Môis plơ̆ sĭt ta po păng, Y-Jêtrô, jêh ri lah: “Dăn ma may ăn gâp plơ̆ sĭt tay ma phung oh nâu gâp ta n'gor Êjipt gay uănh khân păng hôm gŭ rêh mâu lah khĭt jêh.” Y-Jêtrô lah ma Y-Môis: “Ăn may hăn đăp mpăn.”

Kan Lêvi 13:58

Ƀiălah kho ao, brai mhay, brai ek ndrŭng mâu lah moh ndơ ƀư ma ntâu, jêng ndơ khân may hŏ pih jêh ri têl mbrĭng roh jêh ăn bu djôt plơ̆ pih tal bar jêh ri ndơ nây mra jêng kloh.”

Kan Lêvi 14:16

mbŭk nglau ti ma păng tâm dak ngi ăn tâm ti chiau păng jêh ri nsrih pơh tơ̆ tanăp Brah Yêhôva.

Kan Lêvi 14:51

sŏk tơm si sêdar, n'gĭng hisôp, jêh ri brai sut chăng jêh ri sĭm hôm rêh mbŭk lĕ tâm mham sĭm bu hŏ nkhĭt, tâm pot jêh ma dak hoch jêh ri mbrih ta ngih nây pơh tơ̆.

Kan Lêvi 14:7

Kôranh ƀư brah mra nsrih mham nây pơh tơ̆ ta klơ nơm dơi ƀư kloh jêh ri mbơh nơm geh ji phŭng jêng kloh, jêh ri mƀơk sĭm hôm rêh luh tâm mir.

Kan Lêvi 16:14

Y-Arôn sŏk djê̆ mham ndrôk nây, jêh ri sŏk nglau ti mbrih pơh tơ̆ mpeh luh nar ma ndrŭp nau yô̆ an, ntĭt jêng panăp ndrŭp nau yô̆ an.

Kan Lêvi 16:19

jêh ri sŏk nglau ti nsrih mham pơh tơ̆ ta klơ nơng ƀư brah gay ƀư kloh jêh ri ƀư kloh ueh nơng ƀư brah tă bơh lĕ nau mâu kloh phung ƀon lan Israel.”

Nau Kơp Bunuyh 19:19

Ta nar tal pe jêh ri nar tal pơh, du huê bunuyh geh nau kloh nsrih hom dak nây ta klơ bunuyh ƀơ̆ jêh ri nar tal pơh bunuyh geh nau kloh mra ƀư kloh ma păng. Bunuyh geh nau kloh mra pih kho ao, ŭm tâm dak jêh ri dăch kêng măng păng mra geh nau kloh.

Nau Kơp Bunuyh 19:4

Kôranh ƀư brah Y-Êlêasar mra sŏk nglau ti mbŭk mham ndrôk nsrih pơh tơ̆ mham nây panăp Ngih Bok Nau Tâm Rƀŭn.

Yôhan 9:7

jêh nây lah ma păng: “Hăn hom jêh ri rao ta dak nglao Silôê” (rplay ngơi aơ nâm bu ntĭt “dơi njuăl hăn”). Pôri, păng hăn jêh ri rao, jêh nây plơ̆ tay ri mơ saơ ang.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Yôsuê 6:4

Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.