II Phung Hađăch 4:38 - Nau Brah Ndu Ngơi 2023

³⁸ Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 4:38 ပူးပေါင်းရင်းမြစ်များ

Nau Ntơm 25:29

Du nar, Y-Yakôb dôl gŭ rŭk por, Y-Êsau sĭt tă bơh bri ji ngot ngăn.

II Samuel 21:1

Dôl rnôk rô̆ Y-Đavit, geh nau ji ngot jŏ jong tâm pe năm. Yor ri, Y-Đavit joi muh măt Brah Yêhôva. Brah Yêhôva plơ̆ lah: “Nau aơ dơi tât yorlah Y-Sôl jêh ri phung ngih păng geh nau ƀư tih nkhŭt mham, tơlah păng nkhĭt jêh phung Gibêôn.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

II Phung Hađăch 2:1

Tơlah Brah Yêhôva dăch djôt leo Y-Êli hao klơ trôk tâm trôm sial vănh blông, Y-Êli jêh ri Y-Êlisê hăn luh bơh Gilgal.

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

II Phung Hađăch 4:39

Du huê tâm phung khân păng hăn luh tâm mir gay pĕ trau, saơ du rse rtau tâm krŏng tâm ban ma play krăk ƀâu bri, pĕ lĕ play rpŭng bri nây, djôt leo bêng ntôr ao păng nơm. Tơlah păng plơ̆ sĭt, siăt jêng âk glo, dơm tâm glah ƀŭng ƀư trau ƀiălah mâu gĭt ôh nây jêng moh play.

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

Ndrom Samƀŭt bơh Yôp 30:4

Khân păng pĕ biăp n'ha kêng rlô gơ̆, Jêh ri kuyh reh tơm si lok n'ho ƀư ndơ sa.

Nau Hôr 8:34

Ueh maak ngăn bunuyh iăt nau gâp, Rngeh ăp nar ta mpông pêr gâp Jêh ri gŭ kâp kêng meng mpông lăp ngih gâp.

Êsêkiêl 11:3

Khân păng lah: ‘Aƀaơ ri ê-tât ôh rnôk ndâk ngih! Ƀon aơ jêng glah ƀŭng, he jêng nglay puăch.’

Êsêkiêl 11:7

Yor nây, Yêhôva Brah Ndu lah: ‘Đơ bunuyh khĭt khân may hŏ dơm jêh ta nklang ƀon aơ jêng puăch, ƀon jêng glah ƀŭng, bi khân may gâp mra mprơh du luh tă bơh ƀon aơ.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Markôs 6:37

Ƀiălah Păng lah: “Khân may nơm yơh ăn ndơ sông sa ma khân păng.” Khân păng lah: “Ăn hên hăn rvăt bar rhiăng đơniê piăng let ăn ma khân păng sa ƀơh?”

Luka 10:39

Păng geh du huê oh bu ur amoh păng H'Mari gŭ ta jâng Kôranh Brah gay iăt nau Păng ngơi.

Luka 2:46

Pakơi pe nar, khân păng saơ Păng tâm ngih Brah dôl gŭ ta nklang phung kôranh nti phung Yuđa, Păng iăt ƀă ôp ƀă.

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Luka 8:35

Lĕ rngôch bunuyh hăn uănh nau mhe tât geh. Nôk khân păng văch ta nây saơ Brah Yêsu, saơ bunuyh klaih jêh tă bơh phung brah mhĭk lăp, gŭ ta jâng Brah Yêsu, nsoh kho ao, nau mĭn kah gĭt rah vah pôri khân păng klach hâu ngăn.

Luka 8:38

Bunuyh dơi Brah Yêsu mprơh brah mhĭk, dăn gŭ ndrel ma Păng, ƀiălah Păng ăn ma păng plơ̆ sĭt jêh ri đă:

Luka 9:13

Ƀiălah Brah Yêsu lah: “Khân may nơm yơh ăn khân păng sông sa.” Phung kôranh oh mon ơh: “Hên geh knŏng prăm mlâm piăng let jêh ri bar mlâm ka dơm, klăp lah hăn rvăt ndơ sông sa mơ ăp lĕ ƀon lan.”

Yôhan 21:5

Brah Yêsu ôp: “Hơi phung kon, mâu hĕ geh ka?” Khân păng plơ̆ lah: “Mâu geh ôh.”

Yôhan 21:9

Mhe hao ta kơh, khân păng saơ ta nây geh ŭnh sa ônh rnga nđâp ma ka nđông klơ nây, jêh ri geh piăng let đŏng.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 15:36

Jŏ djê̆ ma nây, Y-Pôl lah ma Y-Ƀarnaƀas: “Kay lŏng he plơ̆ sĭt khâl phung oh nâu tâm lĕ ƀon he hŏ tă mbơh nkoch jêh nau ngơi Kôranh Brah, uănh mâm khân păng.”

Kôranh Oh Mon 22:3

“Gâp jêng bunuyh Yuđa, deh ta ƀon Tars, n'gor Silisi, ƀiălah bu rong gâp tâm ƀon aơ, gâp nti bơh nơm nti Y-Gamaliel. Gâp geh nau nti di tĭng nâm nau vay phung chô yau, bêng ma nau nsrôih ngăn ma Brah Ndu, tâm ban ma lĕ rngôch phung khân may nar aơ.

I Samuel 19:20

Jêh ri Y-Sôl prơh bunuyh hăn nhŭp Y-Đavit. Tơlah khân păng saơ du phung nơm mbơh lor, gŭ mbơh lor jêh ri Y-Samuel jêng kôranh khân păng, Huêng Brah Brah Ndu văch gŭ ndrel ma phung bunuyh Y-Sôl prơh hăn, jêh ri nđâp khân păng nây lĕ mbơh lor.