II Phung Hađăch 4:35 - Nau Brah Ndu Ngơi 2023

³⁵ Y-Êlisê chuat jŭr, hăn rsong dâng lơ tâm trôm jrô; jêh nây hao đŏng klơ sưng bê̆ch, dop klơ kon se jê̆ du tơ̆ đŏng. Nglĕ dŭt, kon se jê̆ si đah pơh tơ̆, jêh ri păng lin măt.

II Phung Hađăch 4:35 ပူးပေါင်းရင်းမြစ်များ

I Phung Hađăch 17:21

Păng dop săk păng ta klơ kon se nây pe tơ̆ jêh ri kuăl mbơh sơm ma Brah Yêhôva: “Hơi Yêhôva Brah Ndu gâp! Dăn ma Kôranh Brah ƀư ăn n'hâm rêh kon se aơ plơ̆ sĭt tay tâm păng.”

I Phung Hađăch 17:22

Brah Yêhôva dơn nau Y-Êli, n'hâm rêh kon se plơ̆ sĭt tay đah păng jêh ri păng dâk rêh tay.

I Phung Hađăch 18:43

Jêh nây păng lah đah oh mon păng nơm: “Hăn hao hom, uănh mpeh dak mƀŭt.” Nơm oh mon nây hăn hao n'gơr uănh, jêh nây lah: “Mâu geh ndô ndơ ôh.” Y-Êli lah tay: “Hăn hom plơ̆ tay pơh tơ̆ nâm bu pônây.”

II Phung Hađăch 13:21

Du tơ̆ ri, bu dôl djôt leo du huê bunuyh khĭt gay tâp, khân păng saơ du phung tahan âk nây văch sŏk pit, khân păng mƀăr lơi ro bunuyh khĭt nây tâm môch Y-Êlisê jêh nây chalơi păng. Tơlah bunuyh khĭt geh gŏ jêh ta nting Y-Êlisê, bunuyh khĭt dâk rêh tay jêh ri dâk ta klơ jâng păng nơm.

II Phung Hađăch 4:36

Y-Êlisê kuăl Y-Gêhasi jêh ri lah: “Hăn kuăl hom bu ur ƀon Sunem.” Y-Gêhasi hăn kuăl bu ur nây. Tơlah bu ur nây văch jêh, Y-Êlisê lah ma păng: “Chông hom kon bu klâu ay!”

II Phung Hađăch 5:10

Y-Êlisê prơh bunuyh mbơh gay lah ma păng: “Hăn ŭm hom pơh tơ̆ tâm dak krong Yurdan, nglay săk may mra bah, jêh ri may mra jêng kloh.”

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

II Phung Hađăch 8:5

Y-Gêhasi dôl nkoch bri ma hađăch tĭng mâm nau Y-Êlisê hŏ ƀư ăn ma bunuyh khĭt dâk rêh tay, ri, bu ur geh kon bu klâu Y-Êlisê hŏ ƀư dâk rêh tay, văch tât vơl dăn ma hađăch ma nau ngih jêh ri tâm lŏ sre păng. Y-Gêhasi lah ro: “Hơi hađăch jêng kôranh gâp! Aơ jêng du huê bu ur nây, jêh ri aơ jêng kon bu klâu păng Y-Êlisê hŏ ƀư ăn dâk rêh tay.”

Luka 8:55

Huêng păng plơ̆ sĭt ta păng nơm, ƀât lât păng dâk ro, jêh ri Brah Yêsu đă ăn păng sông sa.

Kôranh Oh Mon 9:40

Y-Pêtrôs đă lĕ rngôch bunuyh du luh padih, jêh ri chon kômâk mbơh sơm. Pakơi nây, păng n'gĭl uănh ta săk jăn bunuyh khĭt jêh ri lah: “Hơi H'Tabitha, dâk hom ay!” Păng lin măt saơ Y-Pêtrôs, dâk gŭ ro.