II Phung Hađăch 4:31 - Nau Brah Ndu Ngơi 2023

³¹ Y-Gêhasi hăn lor panăp phung bar hê, jêh ri dơm mâng jra ta klơ muh măt kon se jê̆, ƀiălah mâu tăng nsôr, mâu lah nau mbên ma nau ŭch rêh ôh. Pônây păng plơ̆ sĭt chuă Y-Êlisê, jêh ri nkoch ăn păng: “Kon se jê̆ mâu kah rngăl ôh.”

II Phung Hađăch 4:31 ပူးပေါင်းရင်းမြစ်များ

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

II Phung Hađăch 4:32

Tơlah Y-Êlisê lăp tâm ngih saơ kon se jê̆ lĕ khĭt jêh, bê̆ch klơ sưng păng.

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

Ndrom Samƀŭt bơh Yôp 14:12

Kon bunuyh hŏ khĭt jêh mâu hôm dâk đŏng ôh, Lah trôk nđôch hôm ta nây, khân păng mâu đŏng kah rngăl, Jêh ri mâu geh ôh bunuyh rlay khân păng bơh nau lêt bê̆ch.

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Markôs 5:39

Păng hăn lăp tâm ngih jêh ri Păng lah ma khân păng: “Mâm ƀư khân may ƀư uh ah jêh ri nhĭm nhhiăng? Kon se mâu di khĭt ôh, ƀiălah păng dôl bê̆ch.”

Yôhan 11:11

Jêh ngơi nau nây Brah Yêsu lŏ lah: “Y-Lasar, mĭt jiăng he, lĕ bê̆ch jêh, ƀiălah Gâp ŭch hăn rlay păng.”

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

I Samuel 14:37

Y-Sôl ôp ma Brah Ndu: “Gâp mra hăn jŭr jêh ri hăn tĭng phung Philistin lĕ? May mra jao khân păng tâm ti phung Israel lĕ?” Ƀiălah nar nây, Brah Ndu mâu plơ̆ lah ôh ma păng.

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.