II Phung Hađăch 4:29 - Nau Brah Ndu Ngơi 2023

²⁹ Y-Êlisê lah ma Y-Gêhasi: “Vân hom rse bŭt may, djôt leo mâng jra gâp tâm ti jêh ri hăn. Tơlah rŏ trong may mâp bu, lơi mbah; tơlah bu mbah may, lơi plơng tay. May mra dơm mâng jra gâp ta klơ muh măt kon se jê̆.”

II Phung Hađăch 4:29 ပူးပေါင်းရင်းမြစ်များ

I Phung Hađăch 18:46

Ti Brah Yêhôva gŭ ta Y-Êli; păng rêt rse bŭt păng jêh ri nchuăt panăp ndeh seh Y-Ahap kŏ tât lăp ta ƀon Jesrêel.

II Phung Hađăch 2:14

Pôri păng sŏk du mlâm ao jâr tŭp jêh bơh Y-Êli, dong ta klơ n'ha dak jêh ri lah: “Ta ntŭk Yêhôva Brah Ndu Y-Êli?” Tơlah Y-Êlisê hŏ dong ta klơ n'ha dak jêh tâm ban Y-Êli, dak tâm pă rnglah bar đah ding, jêh nây Y-Êlisê hăn rgăn.

II Phung Hađăch 2:8

Y-Êli sŏk ao jâr păng nơm, klôn păng jêh ri dong klơ n'ha dak. Dak krong tâm pă rnglah bar đah ding jêh ri lĕ bar hê hăn rgăn ta neh sơh.

II Phung Hađăch 4:12

Păng lah ma Y-Gêhasi, oh mon păng: “Kuăl hom bu ur ƀon Sunem văch ta aơ.” Y-Gêhasi hăn kuăl păng, jêh ri păng hăn tât dâk tanăp Y-Êlisê.

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

Nau Ngluh Êjipt 14:16

Bi may, djôt leo hom mâng jra, nto ti may ta klơ n'ha dak mƀŭt jêh ri tâm nkhah dak bar ding gay ma phung ƀon lan Israel hăn ta neh sơh rgăn dak mƀŭt.

Nau Ngluh Êjipt 4:17

Ăn may djôt leo mâng jra aơ tâm ti gay ma dŏng ƀư lĕ nau mbên khlay.”

Nau Hôr 31:17

Păng rêt rse bŭt gơih pah kan Jêh ri ƀư ăn bar nting tur dăng.

Luka 10:4

Lơi djôt dŭng prăk, dŭng cheng, ntâu jot, jêh ri lơi mbah ma bu ôh rŏ trong.

Kôranh Oh Mon 19:12

kŏ tât bu sŏk bok jêh ri ao rjai păng hŏ nsoh, dơm ta klơ phung ji kuet, nau ji kuet dơi bah jêh ri mprơh lơi huêng djơh tă bơh khân păng.

Kôranh Oh Mon 3:16

Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Êphêsô 6:14

Pô ri, gŭ nâp hom, văn rse bŭt ma nau ngăn, nsoh ao loih ma nau sŏng srăng,

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.