II Phung Hađăch 4:26 - Nau Brah Ndu Ngơi 2023

²⁶ Nchuăt hăn ran hom jêh ri ôp păng: ‘Ay geh nau đăp mpăn lĕ? Sai ay jêh ri kon se ay geh nau đăp mpăn lĕ?’” Păng plơ̆ lah: “Đăp mpăn.”

II Phung Hađăch 4:26 ပူးပေါင်းရင်းမြစ်များ

Nau Ntơm 29:6

Y-Yakôb ôp tay: “Păng ngăch săk jăn lĕ?” Khân păng ơh: “Păng ăt ngăch prăl đŏng. Ri H'Rachel kon bu ur păng dôl leo biăp văch ta aơ.”

Nau Ntơm 37:14

Y-Israel lah: “Ăn may hăn uănh phung nâu may, jêh ri phung mpô mpa mâm păng geh nau ueh, jêh nây sĭt mbơh ma gâp.” Păng njuăl Y-Yôsep hăn bơh rlŭng Hêbron. Lah Y-Yôsep tât ta Sichem,

Nau Ntơm 43:27

Păng ôp khân păng jêh ri lah: “Mbơ̆ khân may hôm ngăch lĕ, nơm bu ranh khân may nkoch bri jêh ma gâp nây? Păng hôm rêh lĕ?”

II Samuel 18:29

Ƀiălah hađăch ôp: “Bu klâu ndăm Y-Apsalôm geh nau đăp mpăn đŏng?” Y-Ahimas plơ̆ sĭt lah: “Tơlah Y-Jôap prơh oh mon may hăn, gâp saơ bu ƀư nau drơu drơu hâu ngăn, ƀiălah gâp mâu gĭt ôh moh nau lĕ tât geh.”

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

II Phung Hađăch 4:25

Pônây, bu ur nây hăn trong văch ma bunuyh Brah Ndu ta klơ yôk Karmel. Bunuyh Brah Ndu saơ păng ntơm bơh ngai, păng lah ma Y-Gêhasi, oh mon păng: “Ri, bu ur ƀon Sunem văch tât!

II Phung Hađăch 4:27

Tơlah bu ur nây hăn mâp ma bunuyh Brah Ndu ta klơ yôk, bu ur nây ut kuăn ta jâng păng. Y-Gêhasi văch dăch gay mprơh lơi păng, ƀiălah bunuyh Brah Ndu lah: “Kđôi păng, yorlah nuih n'hâm păng geh nau rngot hâu ngăn; Brah Yêhôva hŏ pôn ma gâp nau nây, jêh ri mâu ăn ma gâp gĭt.”

II Phung Hađăch 5:22

Y-Gêhasi plơ̆ lah: “Lĕ rngôch nau jêng nau đăp mpăn. Kôranh gâp prơh gâp hăn lah ma may: ‘Ndơh nơh, geh bar hê phung bu klâu ndăm, jêng oh mon phung nơm mbơh lor, tă bơh n'gor klơ dor yôk Êphraim văch tât. Gâp dăn ma may ăn ma khân păng pe jât kilô prăk jêh ri bar gu kho ao.’”

Nau Mprơ Ơm 39:9

Gâp mlo mâu hă trôm mbung ôh, Yorlah May ƀư jêh nau nây.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Kôranh Oh Mon 15:36

Jŏ djê̆ ma nây, Y-Pôl lah ma Y-Ƀarnaƀas: “Kay lŏng he plơ̆ sĭt khâl phung oh nâu tâm lĕ ƀon he hŏ tă mbơh nkoch jêh nau ngơi Kôranh Brah, uănh mâm khân păng.”

I Samuel 17:18

May tâm ban đŏng djôt leo jât glo ƀănh dak toh aơ ăn ma kôranh chiă uănh du rbăn nuyh tahan phung nâu may. Uănh hom phung nâu may gŭ ueh lăng săk jăn, jêh ri bi may nơm plơ̆ mbơh ma gâp du nau mbên gay saơ khân păng geh nau đăp mpăn.”

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”