II Phung Hađăch 4:2 - Nau Brah Ndu Ngơi 2023

² Y-Êlisê lah ma păng: “Moh ndơ gâp mra ƀư ma ay? Mbơh ma gâp gĭt, moh ndơ ay hôm geh tâm ngih?” Păng lah: “Oh mon bu ur may mâu hôm geh ndơ ôh tâm ngih, knŏng du yăng jê̆ geh dak ngi ôlive.”

II Phung Hađăch 4:2 ပူးပေါင်းရင်းမြစ်များ

I Phung Hađăch 17:12

Bu ur ndrô plơ̆ lah: “Gâp sŏk amoh Yêhôva Brah Ndu may gŭ rêh mro mrăng gay sơm ton, gâp mâu geh piăng let ôh, knŏng hôm e du mbăt rnih môi tâm yăng jêh ri hôm djê̆ lê̆ dak ngi ôlive tâm nông. Aơ, gâp dônh bar n'gĭng long, jêh nây nkra ndơ nây ma gâp jêh ri ma kon bu klâu gâp; lah sa lôch jêh, hên mra khĭt.”

II Phung Hađăch 2:9

Tơlah lĕ rgăn jêh kơh tê̆, Y-Êli lah ma Y-Êlisê pô aơ: “Dăn hom moh nau may ŭch ma gâp ƀư ma may, êlor ma bu leo gâp hao tă bơh may.” Y-Êlisê lah: “Gâp dăn ma may, ăn gâp ndơn bar tơ̆ rlau lơn huêng brah may.”

II Phung Hađăch 4:3

Păng lah tay: “Hăn manh hom lĕ yăng nsoih phung chiau meng ay, lơi manh ôh djê̆.

Nau Ngluh Êjipt 4:2

Brah Yêhôva ôp: “Moh ndơ may djôt tâm ti?” Y-Môis lah: “Du mlâm mâng jra.”

Mathay 15:34

Păng ôp ma phung oh mon: “Ndah âk piăng let khân may geh?” Khân păng lah: “Geh pơh mlâm jêh ri ƀaƀă ka jê̆.”

Kôranh Oh Mon 3:6

Ƀiălah Y-Pêtrôs lah ma păng: “Gâp mâu geh prăk mah ôh, ƀiălah ndơ gâp geh gâp ăn ma may: Tâm amoh Brah Yêsu Krist bunuyh Nasaret, dâk hăn hom jêh ri chuat hăn.”

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?