II Phung Hađăch 4:16 - Nau Brah Ndu Ngơi 2023

¹⁶ Y-Êlisê lah ma păng: “Năm pakơi taơ, tâm nôk aơ, ay mra chông ra-u du huê kon bu klâu.” Păng plơ̆ lah: “Mâu ôh, hơi kôranh jêng bunuyh Brah Ndu! Lơi ngơi mƀruh ma oh mon bu ur may ôh.”

II Phung Hađăch 4:16 ပူးပေါင်းရင်းမြစ်များ

Nau Ntơm 17:21

Ƀiălah Gâp mra njêng nau tâm rnglăp đah Y-Isăk, H'Sara yơh mra deh ăn ma may tâm yan aơ năm pakơi taơ.”

Nau Ntơm 18:10

Du huê tâm phung nây lah: “Klăp lah yan aơ năm taơ, nanê̆ gâp mra plơ̆ tay ta aơ ndrel ma may, jêh ri nôk nây taơ H'Sara, ur may, mra geh du huê kon bu klâu.” H'Sara gŭ iăt nau ngơi nây ta bôk mpông ngih bok, pakơi khân păng.

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

I Phung Hađăch 18:9

Y-Apdia lah: “Moh nau tih gâp geh dĭng may jao oh mon may tâm ti Y-Ahap gay păng nkhĭt lơi gâp?

II Phung Hađăch 2:19

Phung ƀon lan tâm ƀon Yêrikô lah ma Y-Êlisê: “Tĭng nâm kôranh lĕ saơ, ntŭk ƀon aơ jêng ueh, ƀiălah dak jêng kăch jêh ri neh mâu jêng ndơ ôh.”

II Phung Hađăch 4:15

Y-Êlisê lah: “Hăn kuăl hom păng.” Y-Gêhasi hăn kuăl păng, jêh ri păng văch tât dâk ta padih mpông.

II Phung Hađăch 4:17

Ƀiălah, bu ur nây ntreo jêh; jêh ri năm pakơi, ay deh du huê kon bu klâu, di tâm nôk Y-Êlisê hŏ lah lor jêh ma păng.

II Phung Hađăch 4:28

Nôk nây, bu ur nây lah: “Hơi kôranh, gâp geh dăn lĕ ma kôranh gâp gay ŭch geh du huê kon bu klâu? Mâu hĕ gâp hŏ lah: ‘Lơi ta ngơi mƀruh gâp’ ƀơh?”

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.