II Phung Hađăch 4:13 - Nau Brah Ndu Ngơi 2023

¹³ Y-Êlisê lah ma oh mon păng: “Lah hom ma păng: ‘Aơ, ay ƀư jêh lĕ kan dŭt jâk râng an ma hên. Pônây, moh ndơ hên ƀư ma ay? Moh nau ay ŭch hên ngơi an ma hađăch mâu lah ma kôranh chiă uănh ma phung tahan?’” Păng plơ̆ lah: “Gâp gŭ ta nklang phung ƀon lan gâp nơm.”

II Phung Hađăch 4:13 ပူးပေါင်းရင်းမြစ်များ

Nau Ntơm 14:24

Gâp mâu dơn du ntil ndơ ôh knŏng moh ndơ phung ndăm gâp lĕ sa, jêh ri ndơ pă ma phung hăn ndrel ma gâp, jêng Y-Aner, Y-Êskôl jêh ri Y-Mamrê; ăn hom ma khân păng dơn ndơ khân păng nơm.”

II Samuel 19:13

Khân may tâm ban lĕ lah hom ma Y-Amasa pô aơ: ‘Mâu di hĕ may jêng nting gâp jêh ri nglay săk gâp? Tơlah ntơm aƀaơ rlet panăp, may mâu ƀư kôranh ma phung tahan gâp ntrok ma Y-Jôap, dăn Brah Ndu rmal ma gâp jâk ngăn.’”

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

II Phung Hađăch 4:12

Păng lah ma Y-Gêhasi, oh mon păng: “Kuăl hom bu ur ƀon Sunem văch ta aơ.” Y-Gêhasi hăn kuăl păng, jêh ri păng hăn tât dâk tanăp Y-Êlisê.

II Phung Hađăch 4:14

Y-Êlisê ôp tay: “Pônây, moh ndơ he mra ƀư ăn păng?” Y-Gêhasi plơ̆ lah: “Bu ur nây mâu geh du huê kon bu klâu ôh, ƀiălah sai păng lĕ ranh jêh.”

II Phung Hađăch 8:1

Rnôk nây, Y-Êlisê lah jêh ma bu ur geh kon bu klâu păng hŏ ƀư dâk rêh tay: “Dâk hăn hom, ndrel ma bunuyh ngih vâl ay, jêh ri gŭ njơh ta ntŭk ay dơi, yorlah Brah Yêhôva ƀư ăn nau ji ngot toyh tât geh tâm n'gor, jêh ri mra jŏ jong kŏ tât pơh năm.”

II Phung Hađăch 9:5

Tơlah păng tât ta aơ, phung kôranh ma phung tahan dôl tâm rƀŭn. Păng lah: “Hơi kôranh tahan, gâp geh du kan ŭch lah ma may.” Y-Jêhu ôp: “Ma mbu moh tâm phung hên?” Păng plơ̆ lah: “Ma may yơh, hơi kôranh tahan.”

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Samƀŭt Pôl Njuăl Ăn Ma Phung Nsing Ta Ƀon Rôm 16:2

Ăn khân may vơt rom păng ma nau khư jêh tâm amoh Kôranh Brah tâm ban vơt rom ma phung kloh ueh, jêh ri sâm kơl păng ăp tơ̆ păng ŭch ma khân may; yorlah păng yơh hŏ tă kơl âk bunuyh, jêh ri nđâp ma gâp tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 16:6

Mbah khâl đah H'Mari, nơm hŏ kan pah hŏt r'ah yor ma khân may.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.