II Phung Hađăch 4:1 - Nau Brah Ndu Ngơi 2023

¹ Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

II Phung Hađăch 4:1 ပူးပေါင်းရင်းမြစ်များ

Nau Ntơm 22:12

Tông mpăr lah: “Lơi ƀư nau mhĭk kon se nây jêh ri kŏ mâu đŏng ƀư du ntil nau ma păng. Aƀaơ aơ, Gâp gĭt ngăn may klach yơk ngăn ngên ma Brah Ndu, yorlah may mâu nhhuach ôh kon nguay may ma Gâp, nđâp lah knŏng du huê nây dơm.”

I Phung Hađăch 18:3

Y-Ahap kuăl Y-Apdia, kôranh chiă uănh ngih păng. (Y-Apdia klach yơk ngăn ma Brah Yêhôva.

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

II Phung Hađăch 2:15

Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:5

Phung oh mon phung nơm mbơh lor gŭ ta Yêrikô hăn văch dăch Y-Êlisê, jêh ri ôp: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:7

Geh prăm jât nuyh tâm phung oh mon phung nơm mbơh lor hăn ndrel tâm ban lĕ, gŭ râng ngai ƀah, panăp đah ntŭk Y-Êli jêh ri Y-Êlisê dôl dâk êp kơh dak krong Yurdan.

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

II Phung Hađăch 6:9

Bunuyh Brah Ndu njuăl bunuyh hăn lah ma hađăch Israel: “Njrăng hom, lơi hăn rgăn prot ntŭk aơ ôh, yorlah phung tahan Aram dôl hăn trŭnh ta nây.”

Nêhêmi 10:31

Tơlah phung ƀon lan gŭ tâm n'gor nây djôt leo drăp ndơ mâu lah ndơ sông sa tăch tâm nar saƀat mâu lah nar kloh ueh, hên mâu mra rvăt ôh. Tât năm tal pơh, hên mra rlu pah kan mir jêh ri jut lơi lĕ rngôch ntil rnon.

Nêhêmi 7:2

Gâp jao kan chiă uănh ƀon Yêrusalem ma oh gâp jêng Y-Hanani jêh ri Y-Hanania jêng kôranh chiă uănh ƀon, yorlah păng jêng du huê bunuyh răp jăp lơn jêh ri klach yơk ma Brah Ndu lơn ma phung êng.

Nau Mprơ Ơm 103:11

Yorlah ndah nâm ƀah lĕ ndâr trôk đah neh, Rlau lơn ma nĕ đŏng nau ueh Păng toyh ngăn ăn mbu nơm yơk ma Păng.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Hôr 22:7

Bunuyh ndrŏng chiă uănh phung o ach, Mbu nơm manh dăn jêng dĭk ma nơm ăn manh.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Yêrêmi 34:14

‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Kan Lêvi 25:48

jêh păng tăch păng nơm, du huê tâm phung oh nâu păng, klăp lah dơi chuai êng păng nơm,

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 18:25

Yorlah bunuyh nây mâu geh moh ndơ gay mplơ̆ rnon ôh, pôri hađăch ntrŭnh bu tăch păng, ur kon, jêh ri lĕ rngôch ndơ păng geh, gay mplơ̆ rnon.

Mathay 18:30

Ƀiălah păng mâu iăt ôh, păng nhŭp krŭng păng kŏ tât păng mplơ̆ rnon lĕ.

Mathay 18:35

Tơlah ăp nơm tâm phung khân may mâu yô̆ an ma nâu oh păng ma lĕ nuih n'hâm, Mbơ̆ Gâp klơ trôk mra ƀư ma khân may tâm ban lĕ.”

Kôranh Oh Mon 13:26

Hơi phung oh nâu jêng phung kon sau Y-Abraham, jêh ri phung bunuyh klach yơk ma Brah Ndu, nau mbơh ma nau tâm rklaih aơ njuăl ma he yơh.

Yakơ 2:13

Yorlah mbu nơm mâu tâm mpơl nuih n'hâm yô̆ nđach mra geh nau phat dôih tâm nau mâu yô̆ nđach; ƀiălah nau yô̆ dơi đah nau phat dôih.

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 19:5

Geh nteh luh bơh sưng hađăch lah pô aơ: “Lĕ rngôch phung oh mon Brah Ndu he, phung bunuyh klach yơk ma Păng, lĕ phung toyh nđâp phung jê̆, tâm rnê hom ma Păng!”

Bu ur Rut 1:3

Nôk nây, sai H'Naômi jêng Y-Êlimêlek, khĭt jêh ri hôm păng ndrel ma bar hê kon bu klâu păng.

I Samuel 22:2

Lĕ rngôch phung geh nau uh ah, khan rnon bu, jêh ri mâu maak ôh, rƀŭn da dê gŭ jŭm păng, jêh ri păng jêng kôranh chiă uănh ma khân păng. Geh klăp lah puăn rhiăng nuyh hăn tĭng păng.