II Phung Hađăch 3:7 - Nau Brah Ndu Ngơi 2023

⁷ Păng prơh đŏng phung mbơh hăn ma Y-Jôsaphat, hađăch Yuđa, pô aơ: “Hađăch Môap hŏ dâk tâm rdâng jêh đah gâp, may ŭch ndrel ma gâp hăn tâm lơh đah phung Môap lĕ?” Y-Jôsaphat plơ̆ lah: “Gâp mra hăn. Gâp jêng nâm bu may, phung ƀon lan gâp jêng nâm bu phung ƀon lan may, seh tâm lơh gâp jêng nâm bu seh tâm lơh may lĕ.”

II Phung Hađăch 3:7 ပူးပေါင်းရင်းမြစ်များ

I Phung Hađăch 22:4

Jêh nây hađăch lah ma Y-Jôsaphat: “May ŭch hăn ndrel ma gâp gay tâm lơh ƀon Ramôt-Gilêat?” Y-Jôsaphat lah ma hađăch Israel: “Gâp nâm bu may, phung ƀon lan gâp nâm bu phung ƀon lan may, jêh ri seh tâm lơh gâp jêng nâm bu seh tâm lơh may.”

II Phung Hađăch 13:20

Y-Êlisê khĭt jêh ri bu tâp păng. Tâm rnôk nây, âk phung tahan Môap vay lăp ntŭng phă n'gor tâm nôk bôk năm.

II Phung Hađăch 3:6

Nôk nây, hađăch Jôram luh du bơh Samari, rgum lĕ rngôch phung Israel.

II Phung Hađăch 3:8

Jêh nây hađăch ôp: “Mbah trong he mra hăn?” Y-Jôram plơ̆ lah: “Tĭng trong bri rdah Êđôm.”

II Phung Hađăch 3:9

Pônây, hađăch Israel, hađăch Yuđa jêh ri hađăch Êđôm leo phung tahan khân păng hăn. Khân păng hăn ndăch jêh pơh nar trong, mâu hôm geh dak ôh ma phung tahan jêh ri ma mpô mpa rong hăn tĭng ndô̆ khân păng.

II Nau Rêh Jêng 18:3

Y-Ahap, hađăch Israel lah ma Y-Jôsaphat, hađăch Yuđa, pô aơ: “May ŭch ndrel ma gâp hăn lơh ƀon Ramôt-Gilêat lĕ?” Y-Jôsaphat plơ̆ lah: “Gâp jêng nâm bu may, phung ƀon lan gâp jêng nâm bu ƀon lan may lĕ; hên mra hăn ndrel ma may tâm nau tâm lơh.”

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.