II Phung Hađăch 3:4 - Nau Brah Ndu Ngơi 2023

⁴ Nôk nây Y-Mêsa, hađăch n'gor Môap rong âk biăp jêh ri păng chê̆ pi ma hađăch Israel du rsen mlâm biăp kon, jêh ri rsau du rsen mlâm biăp nkuăng.

II Phung Hađăch 3:4 ပူးပေါင်းရင်းမြစ်များ

Nau Ntơm 13:2

Y-Abram ndrŏng ngăn geh âk mpô mpa rong, prăk jêh ri mah.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

I Nau Rêh Jêng 18:2

Y-Đavit dơi đŏng đah phung Môap; ăn phung Môap pah kan jêh ri chê̆ pi ma Y-Đavit.

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Ndrom Samƀŭt bơh Yôp 42:12

Nâm bu pônây, Brah Yêhôva ăn nau ueh uĭn ma lĕ năm kêng lôch nau rêh Y-Yôp âk lơn ma nôk saơm. Păng geh du rmưn puăn rbăn mlâm biăp, prao rbăn seh samô, du rbăn trŭp ndrôk jêh ri du rbăn seh bri me.

Nau Mprơ Ơm 60:8

Môap jêng ngan grưng Gâp rao; Gâp klŭp ntâu jot Gâp ta klơ phung Êđôm. Gâp mra nter răm maak ma nau dơi đah phung Philistin.”