II Phung Hađăch 3:25 - Nau Brah Ndu Ngơi 2023

²⁵ Khân păng dơi geh âk rplay ƀon, jêh ri ăp nơm klŭp srih lŭ ta lĕ rngôch mir ueh kŏ tât brôi ma lŭ; khân păng nsêt lơi lĕ rngôch rmlông tu dak, jêh ri kăl lơi lĕ rngôch tơm si ueh, kŏ tât hôm e knŏng êng lŭ dơm tâm ƀon Kir-Harêset, jêh ri klŭp đŏng lŭ ma rse ntâu nchueng jŭm jêh ri ƀư rai ma ƀon nây.

II Phung Hađăch 3:25 ပူးပေါင်းရင်းမြစ်များ

Nau Ntơm 26:15

Lĕ rngôch ntu dak phung oh mon Y-Abraham, mbơ̆ păng, hŏ kuyh, aƀaơ aơ phung Philistin sŏk neh brôi lơi lĕ rngôch.

Nau Ntơm 26:18

Y-Isăk kơi kuyh tay ăp ntu dak bu hŏ kuyh jêh tâm rnôk Y-Abraham, mbơ̆ păng. Jêh khĭt Y-Abraham, phung Philistin hŏ brôi lơi ntu dak nây. Păng rnha ntu dak nây tĭng nâm mbơ̆ păng lĕ rnha jêh.

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Phung Hađăch 3:19

Khân may mra dơi ma lĕ rngôch ƀon geh pôih nâp, jêh ri lĕ rngôch ƀon ueh lơn, kăl nchôt lơi lĕ rngôch tơm si ueh, nsêt lơi lĕ rngôch rmlông tu dak, jêh ri sŏk lŭ ƀư rai lĕ rngôch neh mir ueh.”

II Phung Hađăch 3:24

Ƀiălah dôl khân păng hăn tât ta pôih phung tahan Israel, phung Israel dâk, rduh lơh phung Môap, ƀư ăn phung Môap nchuăt du panăp khân păng. Phung tahan hăn lăp tâm n'gor, lơh nkhĭt phung Môap.

II Phung Hađăch 3:26

Tơlah hađăch Môap saơ păng mâu klăp dơi rdâng, păng djôt leo ndrel ma păng pơh rhiăng bunuyh djôt đao, tâm nal hăn lơh ma hađăch Êđôm gay klaih săk jăn, ƀiălah khân păng mâu dơi ôh.

II Nau Rêh Jêng 32:4

Bunuyh ƀon lan văch rgum âk râk, bât nkrŭl lĕ rngôch dak n'hor jêh ri n'hong dak hoch tâm nklang n'gor bri. Khân păng tâm ngơi ndrăng nơm: “Mâm ƀư he ăn hađăch Asiri tât ta aơ jêh ri dơi saơ dak âk?”

Êsai 15:1

Nau mbơh lor ma Môap: Tâm du măng, A Môap bu lơh jêh ri roh rai! Tâm du măng, Kir-Môap bu ƀư rai jêh ri roh rai lôch!

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 16:7

Yor nây, Môap mra nhĭm nhhiăng, Lĕ rngôch bunuyh nhĭm da dê yor ma Môap. Ăn khân may nhĭm hom, rđêng nđor hom Yor ƀănh play krăk ƀâu tă bơh ƀon Kir-Harêset!

Yêrêmi 48:31

Yor nây yơh, Gâp nhĭm vơl ăn ma bri Môap, Yor lĕ rngôch phung gŭ tâm bri Môap nter vơl. Bu nhĭm vơl ăn ma phung ƀon lan tâm bri Kir-Hêres.

Yêrêmi 48:36

Yor nây, nuih n'hâm Gâp yor bri Môap nđor bâr n'hôm rđêng rngot; yor phung ƀon lan Kir-Hêres nteh bâr n'hôm nhĭm vơl; yor drăp ndơ khân păng bun prăp hŏ roh lĕ jêh.

Nau Vay Nkah Tay 2:9

Brah Yêhôva lah tay ma gâp: ‘Lơi ƀư jêr mâu lah tâm lơh đah phung Môap jêng kon sau Y-Lot, yorlah Gâp mâu mra ăn ôh ma khân may du gâl tâm neh khân păng gay ƀư drăp ndơn khân may. Gâp ăn jêh ƀon Ar jêng drăp ndơn ma phung kon sau Y-Lot.’

Phung Kôranh Phat Dôih 9:45

Y-Abimêlek hăn tâm lơh ƀon toyh nây lôch du nar, sŏk ƀon toyh jêh ri nkhĭt lĕ rngôch bunuyh gŭ tâm ƀon toyh. Păng ƀư rai lơi lĕ ƀon toyh jêh ri srih boh klơ nây.