II Phung Hađăch 3:18 - Nau Brah Ndu Ngơi 2023

¹⁸ Ƀiălah nau aơ knŏng jêng nau jê̆ tanăp măt Brah Yêhôva. Păng mra jao phung Môap tâm ti khân may tâm ban lĕ.

II Phung Hađăch 3:18 ပူးပေါင်းရင်းမြစ်များ

II Samuel 7:19

Hơi Kôranh Brah Yêhôva, nau may lah nây jêng du ndơ jê̆ tanăp măt May, dĭng May ngơi ma ngih oh mon May ma âk rô̆ rlet kăndơ̆? Hơi Kôranh Brah Yêhôva, di lĕ aơ jêng nau vay May ƀư ma lĕ rngôch bunuyh hĕ?

I Phung Hađăch 16:31

Hađăch tĭng kơt nau tih bơh Y-Jêrôbôam, kon bu klâu Y-Nêbat, jêng nau jê̆ dơm, yor nây păng hŏ nsông kon bu ur Y-Êtbaal, hađăch phung Sidôn, jêng H'Jêsêbel ƀư ur păng. Hađăch pah kan đŏng jêh ri yơk mbah ma brah Baal.

I Phung Hađăch 20:13

Nôk nây, geh du huê nơm mbơh lor hăn mâp Y-Ahap, hađăch Israel, jêh ri lah: “Brah Yêhôva lah: ‘May saơ đŏng lĕ rngôch phung tahan âk ngăn aơ? Uănh hom, nar aơ Gâp mra jao khân păng tâm ti may, jêh ri may mra gĭt ma Gâp jêng Brah Yêhôva.’”

I Phung Hađăch 20:21

Hađăch Israel hăn rduh lơh seh jêh ri ndeh seh, dơi lơh phung tahan Aram jêh ri lơh nkhĭt khân păng âk ngăn.

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

I Phung Hađăch 3:13

Rlau lơn ma nĕ, Gâp tâm ban đŏng ăn ma may lĕ nau may mâu mâp dăn ôh, jêng nau ndrŏng ngăn ngên jêh ri lư n'găr, kŏ tât du njăr rêh may, mâu geh ôh tâm phung hađăch mra tâm ban ma may.

II Phung Hađăch 20:10

Y-Hêsêkia plơ̆ lah: “Gui n'hâm hăn rlet panăp jât nhuat jêng mâu geh jêr ôh. Mâu! Dăn gui n'hâm hŏ hăn rlet panăp jât nhuat rŭch plơ̆ pakơi jât nhuat.”

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 32:27

“Aơ, Gâp jêng Yêhôva, Brah Ndu ma lĕ rngôch bunuyh; geh lĕ moh nau jêr ir ma Gâp đŏng?

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Markôs 10:27

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư; yorlah Brah Ndu ƀư lĕ rngôch nau.”

Luka 1:37

Yorlah mâu geh moh nau kan Brah Ndu mâu dơi ƀư.”

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.