II Phung Hađăch 3:15 - Nau Brah Ndu Ngơi 2023

¹⁵ Ƀiălah aƀaơ ri, njŭn leo ma gâp du huê blau kreh gong rêng.” Ăp tơ̆ nơm nây kreh gong rêng, ti Brah Yêhôva gŭ ta klơ Y-Êlisê.

II Phung Hađăch 3:15 ပူးပေါင်းရင်းမြစ်များ

I Phung Hađăch 18:46

Ti Brah Yêhôva gŭ ta Y-Êli; păng rêt rse bŭt păng jêh ri nchuăt panăp ndeh seh Y-Ahap kŏ tât lăp ta ƀon Jesrêel.

II Phung Hađăch 3:16

Păng lah: “Brah Yêhôva lah kơt aơ: ‘Kuyh hom dŭt âk ntu lam tâm rlŭng aơ.’

Nau Mprơ Ơm 49:4

Gâp mra rkêng tôr iăt nau ngơi hôr; Gâp mra sŏk gong rêng gay rblang nau ngơi hôr.

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 3:22

Ta nây, ti Brah Yêhôva dơm ta gâp jêh ri Păng lah ma gâp pô aơ: “Gơnh ndal hom hăn ma ntŭk neh lâng, ta nây Gâp mra lah ma may.”

Êsêkiêl 8:1

Năm rơh prao, ta năng prăm khay prao, dôl gâp gŭ tâm ngih gâp ndrel ma phung bu ranh Yuđa gŭ panăp, ti Yêhôva Brah Ndu pah ta gâp.

Kôranh Oh Mon 11:21

Ti Kôranh Brah gŭ ndrel ma khân păng, rĭ dĭng geh âk bunuyh chroh jêh ri plơ̆ tay ma Kôranh Brah.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.

I Samuel 16:16

Dăn ma kôranh hên ntĭnh hom ma phung oh mon may dôl gŭ panăp may joi du huê gĭt kreh gong rêng, tơlah Brah Ndu prơh brah mhĭk tât, păng mra kreh gong rêng jêh ri may mra geh nau bonh leng.”

I Samuel 16:23

Bơh nĕ tât kăndơ̆, ăp tơ̆ Brah Ndu prơh brah mhĭk gŭ ta Y-Sôl, Y-Đavit sŏk gong rêng jêh ri kreh. Y-Sôl geh nau bonh leng, ueh maak, jêh ri brah mhĭk du luh bơh păng.

I Samuel 18:10

Ôi taơ, Brah Ndu prơh du huê brah mhĭk tât ma Y-Sôl, păng ngơi thăm rmat tâm ngih, bi Y-Đavit ăt kreh gong rêng nâm vay ƀư jêh ăp nar. Y-Sôl djôt du tak tâm ti,