II Phung Hađăch 3:11 - Nau Brah Ndu Ngơi 2023

¹¹ Ƀiălah Y-Jôsaphat ôp: “Mâu geh hĕ nơm mbơh lor Brah Yêhôva ta aơ, bơh păng he dơi ôp ma Brah Yêhôva?” Du huê oh mon hađăch Israel plơ̆ lah: “Ta aơ geh Y-Êlisê, kon bu klâu Y-Saphat, jêng nơm hŏ pah kan ma Y-Êli.”

II Phung Hađăch 3:11 ပူးပေါင်းရင်းမြစ်များ

Nau Ntơm 18:4

Dăn sŏk ma gâp djê̆ dak, gay ăn khân may rao jâng, jêh nây gŭ rlu ta nâm n'hâm tơm si aơ.

I Phung Hađăch 19:21

Luh bơh Y-Êli, Y-Êlisê hăn sĭt ngih păng gay nhŭp du gu ndrôk sreh khân păng, jêh ri sŏk kai ƀư long gay gâm puăch ăn lĕ rngôch bunuyh sa. Jêh nây Y-Êlisê dâk hăn tĭng ndô̆ Y-Êli jêh ri pah kan ma păng.

I Phung Hađăch 22:7

Ƀiălah Y-Jôsaphat ôp: “Ta aơ mâu hôm geh đŏng du huê nơm mbơh lor êng bơh Brah Yêhôva, gay ma he ôp Kôranh Brah tă bâr mbung păng?”

II Phung Hađăch 2:25

Ntơm bơh nây, Y-Êlisê hăn tât ta yôk Karmel, jêh nây plơ̆ sĭt ma Samari.

II Phung Hađăch 3:10

Hađăch Israel lah: “Hơi! Brah Yêhôva hŏ kuăl jêh pe nuyh hađăch aơ gay jao khân păng tâm ti phung Môap!”

II Phung Hađăch 3:12

Y-Jôsaphat lah: “Păng geh nau Brah Yêhôva ngơi.” Pônây, hađăch Israel, Y-Jôsaphat, jêh ri hađăch Êđôm hăn trŭnh mâp Y-Êlisê.

II Phung Hađăch 3:3

Nđâp tơlah pônây, hađăch ăt hôm djôt prăp nau tih Y-Jêrôbôam, kon bu klâu Y-Nêbat, jêng nau tih nsŭk phung Israel ƀư tih. Hađăch mâu ŭch chalơi ôh nau tih nây.

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

I Nau Rêh Jêng 14:10

Y-Đavit ôp ma Brah Ndu: “Di lĕ gâp dơi hăn tâm lơh đah phung Philistin? Kôranh Brah mra jao khân păng tâm ti gâp lĕ?” Brah Yêhôva plơ̆ lah: “Hăn lơh hom, Gâp mra jao khân păng tâm ti may.”

I Nau Rêh Jêng 14:14

Y-Đavit ôp ma Brah Ndu, jêh ri Brah Ndu lah ma păng: “May lơi hăn hao tĭng ôh khân păng. Hăn hao ndăch dăr jêh ri rduh lơh khân păng ntŭk panăp tơm si balsam.

I Nau Rêh Jêng 15:13

Yorlah tâm tơ̆ lor, khân may mâu mâp ôh tung Hip Nau Tâm Rnglăp, yor ri Yêhôva Brah Ndu rmal ma he, yorlah he mâu ôp ma Păng gay gĭt nâm nau ƀư ma di tĭng tâm nal.”

II Nau Rêh Jêng 18:6

Ƀiălah Y-Jôsaphat lah tay: “Ta aơ hôm geh nơm mbơh lor êng đŏng ma Brah Yêhôva, gay ma he ôp đŏng?”

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Philip 2:22

Ƀiălah khân may gĭt jêh nuih n'hâm ueh Y-Timôthê, păng ndrel ma gâp pah kan ma Nau Mhe Mhan Ueh tâm ban kon ndrel đah mbơ̆ păng.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

Yôsuê 1:1

Jêh Y-Môis, oh mon Brah Yêhôva khĭt jêh, Brah Yêhôva lah ma Y-Yôsuê, kon bu klâu Y-Nun, nơm kơl kan Y-Môis:

Yôsuê 9:14

Pônây phung Israel dơn ndơ sông sa khân păng, ƀiălah mâu ôp ôh Brah Yêhôva.

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

Phung Kôranh Phat Dôih 20:23

Phung ƀon lan Israel hăn hao jêh ri nhĭm panăp Brah Yêhôva kŏ tât kêng măng. Khân păng ôp ma Brah Yêhôva pô aơ: “Hên dơi lĕ plơ̆ tâm lơh tay đah phung Benjamin, jêng phung oh nâu ma hên?” Brah Yêhôva plơ̆ lah: “Hăn hao lơh hom khân păng!”