II Phung Hađăch 25:9 - Nau Brah Ndu Ngơi 2023

⁹ Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

II Phung Hađăch 25:9 ပူးပေါင်းရင်းမြစ်များ

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

II Nau Rêh Jêng 36:19

Khân păng su ngih Brah Ndu, mbang rlâm mpêr ƀon toyh Yêrusalem, sŏk ŭnh su lĕ ngih hađăch, jêh ri ƀư rai lĕ ƀhiau lĕ ndơ khlay tâm ƀon.

Êsra 5:12

Ƀiălah phung chô yau hên nsônh nau ji nuih Brah Ndu, yor ri Păng jao khân păng tâm ti Y-Nêbukatnetsar, hađăch Babilôn, jêng phung Kaldê. Hađăch nây ƀư rai ngih brah aơ jêh ri veng phung ƀon lan leo tât ta Babilôn.

Nau Mprơ Ơm 79:1

Ơ Brah Ndu! Phung mpôl băl bri êng lăp jêh tâm drăp ndơn May; Ƀư ƀơ̆ ngih brah kloh ueh May; Jêh ri ƀư ma ƀon Yêrusalem jêng du mbŭch ƀrĭk hăch.

Êsai 64:9

Ơ Brah Yêhôva, lơi nuih rlau keh ôh, Mâu lĕ kah gĭt n'ho ro ma nau tih hên! Aơ, hên dăn May mêt uănh, Lĕ rngôch hên jêng phung ƀon lan May.

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 26:9

Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

Yêrêmi 34:2

Yêhôva, Brah Ndu Israel, lah: “May hăn ngơi hom ma Y-Sêdêkia, hađăch Yuđa, pô aơ Brah Yêhôva lah: ‘Aơ, Gâp jao ƀon aơ tâm ti hađăch Babilôn, hađăch nây mra su ƀon ma ŭnh.

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 37:10

Nđâp lah phung khân may dơi lơh lĕ rngôch phung tahan Kaldê lah khân păng tâm lơh đah khân may kŏ tât tâm ngih bok khân păng knŏng hôm e phung sôt rmanh, pôri ăp nơm ăt dâk su ƀon aơ ma ŭnh.”

Yêrêmi 37:8

Phung tahan Kaldê mra plơ̆ văch tay tâm lơh đah ƀon aơ. Khân păng mra pit in jêh ri su ma ŭnh ƀon aơ.’”

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 41:5

pôri geh pham jât nuyh bu klâu tât tă bơh Sichem, Silô, jêh ri tât tă bơh Samari. Khân păng poih têp kang, nsoh bok ao sat, rek tor êng săk jăn khân păng nơm, ti djôt leo ndơ ƀư brah rnih môi jêh ri ndơ ƀâu kah gay nhhơr tâm ngih Brah Yêhôva.

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Yêrêmi 7:14

Yor nây moh nau Gâp hŏ ƀư ăn ma Silô, Gâp ăt mra ƀư ăn ngih aơ, jêng ngih dơi kuăl ma amoh Gâp, ngih khân may nsing, ntŭk gâp hŏ ăn jêh ma khân may ndrel phung chô yau khân may.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Nau Nhĭm Vơl 5:18

Yorlah yôk Siôn hŏ jêng rngol jêh, Ƀư ntŭk so bri hăn nsong.

Êsêkiêl 10:2

Păng lah ma bunuyh nsoh ao bok mhay pô aơ: “Lăp hom ta nklang lĕ jâng ndeh gŭ rvah tâm dâng phung Chêrub. Sŏk hom ŭnh rnga tă bơh phung chêrubim ăn bêng lĕ bar ti may jêh ri srih ndơ nây ta klơ ƀon aơ.” Bunuyh nây lăp ntŭk nây tanăp măt gâp.

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Amôt 2:5

Gâp mra njuăl ŭnh tât ta Yuđa Ŭnh mra su rai lĕ pôih nâp ƀon Yêrusalem.”

Amôt 6:11

Yorlah Brah Yêhôva ntrŭnh nau ntăm pô aơ: Ngih toyh mra mbang nchah lĕ rlâm jêh, Ngih jê̆ mra nchah rhên.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!