II Phung Hađăch 25:5 - Nau Brah Ndu Ngơi 2023

⁵ Phung tahan Kaldê hăn tĭng hađăch jêh ri tĭng ban păng tâm neh lâng Yêrikô. Lĕ rngôch phung tahan păng chalơi păng jêh ri nchuăt du pru.

II Phung Hađăch 25:5 ပူးပေါင်းရင်းမြစ်များ

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Phung Hađăch 25:6

Phung tahan Kaldê nhŭp hađăch, njŭn tât ma hađăch Babilôn ta ƀon Ribla. Ta nây, khân păng phat dôih Y-Sêdêkia.

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 24:8

Brah Yêhôva lah: ‘Ƀiălah, tâm ban bunuyh ƀư ma play rvi mhĭk, mhĭk kŏ tât bu mâu dơi sa ôh, pônây lĕ ăt Gâp mra ƀư ma Y-Sêdêkia, hađăch Yuđa, phung kôranh, phung ƀon lan hôm e klen bơh Yêrusalem dôl gŭ tâm bri aơ, jêh ri phung dôl hôm gŭ rêh ntŭk bri Êjipt pônây lĕ.

Yêrêmi 34:3

May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 39:5

Ƀiălah phung tahan Kaldê hăn tĭng jêh ri tĭng ban Y-Sêdêkia tâm neh lâng ƀon Yêrikô; khân păng nhŭp hađăch jêh ri njŭn ăn ma Y-Nêbukatnetsar, hađăch Babilôn, ta ƀon Ribla, tâm bri Hamat. Ta nây, hađăch Y-Nêbukatnetsar phat dôih hađăch Sêdêkia.

Yêrêmi 52:8

Ƀiălah phung tahan Kaldê hăn tĭng jêh ri tĭng ban nhŭp hađăch Sêdêkia tâm neh lâng Yêrikô; phung tahan chalơi hađăch, nchuăt du pru.

Nau Nhĭm Vơl 1:3

Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 1:6

Nau rnam kon bu ur Siôn Hŏ roh jêh. Phung kôranh păng jêng nâm bu jun Joi mâu geh ndrêch gơ̆ ôh; Mâu hôm geh n'hâm suan nchuăt du krap Tanăp phung hăn tĭng joi.

Êsêkiêl 12:14

Phung gŭ jŭm hađăch gay kơl păng jêh ri phung tahan gâp mra ƀư chah rai pru pra tĭng phŭt sial jêh ri Gâp mra tŏk đao tĭng khân păng.

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 19:1

Pôri may rŏ hom nau mprơ rngot ma phung kôranh chiă uănh Israel