II Phung Hađăch 25:30 - Nau Brah Ndu Ngơi 2023

³⁰ Ăp nar, hađăch Babilôn ƀơk pă ƀaƀơ kô̆ ndơ păng sông sa kŏ tât păng khĭt.

II Phung Hađăch 25:30 ပူးပေါင်းရင်းမြစ်များ

I Phung Hađăch 2:7

Bi đah phung kon Y-Barsilai, bunuyh Gilêat, may gŭ ngao hom ma nau ueh đah khân păng. Ăn hom ma khân păng sông nsum du sưng n'hanh may, yorlah khân păng hŏ gŭ ndrel gâp nôk gâp nchuăt du bơh Y-Apsalôm, nâu may.

Nêhêmi 11:23

Geh đŏng nau ntrŭnh tă bơh hađăch tât ma phung mprơ, jêh ri lĕ tâm nal nau kan ăp nar ma khân păng.

Nêhêmi 12:47

Tâm rnôk rô̆ Y-Sôrôƀaƀel jêh ri Y-Nêhêmi, lĕ rngôch phung Israel ăn ndơ sông sa ăp nar ma phung mprơ jêh ri phung gak njrăng mpông pêr. Khân păng tâm ban đŏng prăp êng ndơ sông sa ma phung Lêvi, jêh ri phung Lêvi prăp êng ndơ sông sa ma phung kôranh ƀư brah, phung kon sau Y-Arôn.

Yêrêmi 22:26

Gâp mra mprơh may jêh ri me deh ma may tâm bri êng, mâu di jêng ntŭk tâp sok koh klŏ may ôh, jêh ri may mra khĭt ta nĕ.

Yêrêmi 52:34

Tâm ăp nar, hađăch Babilôn ƀơk pă ƀaƀơ kô̆ ndơ sông sa ma hađăch Y-Jêhôjachin, tâm lĕ nar păng gŭ rêh kŏ tât păng khĭt.

Daniel 1:5

Hađăch prăp du kô̆ ndơ sa ăp nar ma khân păng, tă bơh kô̆ ndơ sa kah hađăch sông sa jêh ri ndrănh hađăch nhêt. Lôch jêh pe năm siăm ntĭm nti nâm bu pônây, khân păng mra dâk pah kan tanăp hađăch.

Mathay 6:11

Ăn ma hên ndơ sông sa nar aơ ăn tŏng;

Luka 11:3

Dăn ăn ma hên ndơ sông sa moh nar tŏng ma nar nây.

Kôranh Oh Mon 6:1

Tâm nôk nây, rnoh phung oh mon lơ âk; phung Yuđa ngơi nau ngơi Grek ngơi ƀrôk, nduyh ma phung Yuđa ngơi nau Aram, yorlah bu chalơi mâu pă ndơ sông sa ăp nar ma phung bu ur ndrô khân păng.