II Phung Hađăch 25:29 - Nau Brah Ndu Ngơi 2023

²⁹ Hađăch Babilôn doh lơi ao ndrung Y-Jêhôjakin jêh ri ăn păng sông sa ta sưng sông hađăch lĕ rnôk rô̆ păng gŭ rêh.

II Phung Hađăch 25:29 ပူးပေါင်းရင်းမြစ်များ

Nau Ntơm 41:14

Pharaôn đă bu kuăl Y-Yôsep. Bu leo ro păng luh bơh ndrung, păng poih têp, rgâl kho ao, păng hăn tanăp Pharaôn.

Nau Ntơm 41:42

Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

I Phung Hađăch 2:7

Bi đah phung kon Y-Barsilai, bunuyh Gilêat, may gŭ ngao hom ma nau ueh đah khân păng. Ăn hom ma khân păng sông nsum du sưng n'hanh may, yorlah khân păng hŏ gŭ ndrel gâp nôk gâp nchuăt du bơh Y-Apsalôm, nâu may.

II Phung Hađăch 24:12

Y-Jêhôjakin, hađăch Yuđa, nđâp mê̆ păng, phung oh mon păng, phung kôranh tahan păng, jêh ri phung kôranh bu char, jao săk khân păng nơm ma hađăch Babilôn. Hađăch Babilôn nhŭp Y-Jêhôjakin tâm năm rơh pham bri hađăch Babilôn.

Êsther 4:4

Phung oh mon bu ur H'Êsther jêh ri phung kôranh oh mon char păng văch nkoch lĕ nau nây ma păng; păng rngot rvê ngăn. Păng njuăl bok ao ma Y-Môrdêkai gay ma păng nsoh ntrok ma ao ƀau, ƀiălah păng mâu dơn ôh ao nây.

Êsther 8:15

Y-Môrdêkai hăn luh bơh ngih hađăch, nsoh ao hađăch ĭr jêh ri nglang, ndô du mlâm đon hađăch toyh ma mah jêh ri nsoh du ao jong ma bok mhay rhên chăng krăk. Phung ƀon lan ƀon Susa troh nter jêh ri răm rhơn.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 22:26

Gâp mra mprơh may jêh ri me deh ma may tâm bri êng, mâu di jêng ntŭk tâp sok koh klŏ may ôh, jêh ri may mra khĭt ta nĕ.

Yêrêmi 52:33

Pônây, Y-Jêhôjakin doh lơi ao ndrung, ăp nar sông sa ndrel ma hađăch du bông nau rêh.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Luka 15:22

Mbơ̆ păng lah ma phung oh mon: ‘Sŏk ndơ̆ gơnh hom ao jong dŭt ueh nsoh an păng, dok rgên ta nglau ti păng, ntrŭp ntâu jot ma jâng păng.