II Phung Hađăch 25:11 - Nau Brah Ndu Ngơi 2023

¹¹ Kôranh phung tahan gak Nêbusaradan njŭn leo phung ƀon lan hôm klen gŭ tâm ƀon, ndrel ma phung du ran lăp jêh ma hađăch Babilôn saơm, jêh ri ndrel ma lĕ rngôch phung ƀon lan hôm e, njŭn leo hăn ƀư bu nă.

II Phung Hađăch 25:11 ပူးပေါင်းရင်းမြစ်များ

II Nau Rêh Jêng 36:20

Đơ phung hôm klen bu nkhĭt ma đao, bu nhŭp lĕ rngôch djôt leo njêng bu nă tâm bri Babilôn, jêh ri khân păng jêng dĭk ma păng jêh ri ma kon sau păng, kŏ tât rnôk bu ndâk ƀon bri hađăch Persi.

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Nau Mprơ Ơm 144:14

Ăn phung ndrôk me hên deh âk kon; Ăn mpêr ƀon mâu dơi bluh ôh, Phung ƀon lan mâu ƀư bu nă, Jêh ri mâu geh nau nteh nhĭm ta trong sâng.

Yêrêmi 32:28

Yor ri, Brah Yêhôva lah: Aơ, Gâp mra jao ƀon aơ tâm ti phung Kaldê, tâm ti Y-Nêbukatnetsar, hađăch Babilôn, jêh ri hađăch nây mra pit sŏk ƀon.

Yêrêmi 39:9

Kôranh phung tahan gak jêng Y-Nêbusaradan nhŭp lĕ rngôch phung ƀon lan hôm klen tâm ƀon, phung hŏ lăp, jêh ri phung ƀon lan hôm klen tâm ƀon nây, djôt leo njêng bu nă tâm bri Babilôn.

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Yêrêmi 52:15

Jêh nĕ, Y-Nêbusaradan kôranh phung tahan gak ntrŭnh nau jêng bu nă ƀă phung o ach lơn tâm phung ƀon lan, phung hôm klen gŭ tâm ƀon Yêrusalem, phung hŏ gŭ jêh mpeh ma hađăch Babilôn jêh ri phung blau rhăk hôm klen.

Yêrêmi 52:30

Tâm năm rơh bar jât ma pe Y-Nêbukatnetsar chiă uănh, Y-Nêbusaradan kôranh tahan gak njrăng hađăch njŭn leo jêng bu nă pơh rhiăng puăn jât ma prăm bunuyh phung Yuđa. Rnoh lĕ rngôch jêng puăn rbăn prao rhiăng bunuyh.

Êsêkiêl 12:11

May lah hom: ‘Gâp jêng nau mbên ma khân may. Khân păng mra mâp nau nâm bu gâp hŏ ƀư jêh; khân păng mra hăn jêng bu nă jêh ri bu krŭng.’

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.