II Phung Hađăch 24:3 - Nau Brah Ndu Ngơi 2023

³ N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

II Phung Hađăch 24:3 ပူးပေါင်းရင်းမြစ်များ

Nau Ntơm 50:20

Khân may mĭn ƀư mhĭk ma gâp, ƀiălah Brah Ndu ăn nau nây jêng nau ueh gay ƀư du nau dôl tât geh nar aơ, nâm bu ntĭt mât njrăng nau rêh ma âk bunuyh tât jêh nar aơ.

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 18:25

Rlau lơn ma nĕ, mâu di hĕ tĭng nâm nau mĭn ŭch Brah Yêhôva gâp hăn hao lơh gay ƀư rai lơi ntŭk nây? N'hêl nanê̆ Brah Yêhôva hŏ lah jêh ma gâp: ‘Hăn hao hom lơh jêh ri ƀư rai lơi n'gor.’”

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

II Nau Rêh Jêng 24:24

Nđâp tơlah, phung tahan Aram văch knŏng djê̆ bunuyh, ƀiălah Brah Yêhôva hŏ jao jêh du phung tahan âk ngăn tâm ti phung Aram, yorlah khân păng hŏ chalơi jêh Yêhôva Brah Ndu phung chô yau khân păng. Pônây, phung Aram tâm rmal Y-Jôas.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 45:7

Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 52:28

Aơ jêng rnoh phung ƀon lan Y-Nêbukatnetsar njŭn jêng bu nă: Tâm năm rơh pơh, geh pe rbăn bar jât ma pe phung Yuđa.

Êsêkiêl 22:3

Lah hom ma păng: ‘Kôranh Brah Yêhôva lah: Du rplay ƀon ƀư pling mham gŭ ta nklang păng tât năng tâm nal; păng ƀư jêh lĕ rup brah gay ƀư nau ƀơ̆ ƀơch êng păng nơm!

Êsêkiêl 24:6

Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Nau Vay Nkah Tay 28:63

Brah Yêhôva hŏ geh nau maak jêh dôl ƀư ăn khân may chăt hao jêh ri ăn bĭk rơ̆ ngăn, pôri Păng mra geh nau maak đŏng dôl ƀư ma khân may roh rai jêh ri nau rai lôch kơt nây. Bu mra nsot lơi khân may bơh n'gor khân may bơi lăp gay pit sŏk.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Yôsuê 23:15

Tơlah tâm lĕ nau ueh Yêhôva Brah Ndu khân may hŏ lah jêh tât di ngăn jêh ma khân may, pônây lĕ Brah Yêhôva mra djôt lĕ nau mhĭk tât ma khân may đŏng, kŏ tât Păng ƀư rai lơi khân may bơh bri ueh aơ Yêhôva Brah Ndu khân may hŏ ăn jêh ma khân may.