II Phung Hađăch 24:20 - Nau Brah Ndu Ngơi 2023

²⁰ Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

II Phung Hađăch 24:20 ပူးပေါင်းရင်းမြစ်များ

Nau Ntơm 4:16

Y-Kain du luh bơh nau mpơl muh măt Brah Yêhôva jêh ri gŭ tâm n'gor Nôt, mpeh ma luh nar Êđen.

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

II Phung Hađăch 23:26

Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Phung Hađăch 24:3

N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Yêrêmi 37:2

Ƀiălah nđâp ma hađăch ndrel ma phung oh mon jêh ri phung ƀon lan tâm bri dak mâu iăt da dê nau Brah Yêhôva lah bơh bâr mbung nơm mbơh lor Y-Yêrêmi.

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Êsêkiêl 17:12

“Lah hom ma ngih tâm rdâng nây pô aơ: ‘Khân may mâu gĭt nau nây mâm nau rblang?’ Đă hom ma khân păng: ‘Ri, hađăch Babilôn tât jêh ta ƀon Yêrusalem, nhŭp hađăch jêh ri lĕ rngôch phung ndrŏng djôt leo ma Babilôn ndrel ma păng.

Êsêkiêl 19:14

Ŭnh luh tă bơh tơm păng, Sa lĕ n'gĭng jêh ri play păng Kŏ tât mâu hôm geh n'gĭng nâp ktang đŏng, Gay ƀư mâng jra ăn ma ngih kôranh chiă uănh. Nây jêng nau mprơ rngot gay dŏng nhĭm vơl.”

I Kôrintô 1:20

Bunuyh blau mĭn mbah ntŭk? Phung kôranh nchih samƀŭt mbah ntŭk? Nơm blau tâm rlăch nchră tâm rnôk aơ mbah ntŭk? Mâu di hĕ Brah Ndu hŏ ƀư jêh nau blau mĭn tâm neh ntu jêng nau brŭt moih?

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Nau Vay Nkah Tay 29:27

Yor nây, Brah Yêhôva nkhŭt nau ji nuih jŭr ta n'gor aơ jêh ri ăn tât ma păng lĕ rngôch nau rak rtăp nchih jêh tâm ndrom samƀŭt aơ.

Nau Vay Nkah Tay 4:24

Yorlah Yêhôva Brah Ndu khân may jêng du rlô ŭnh su jêh ri jêng Brah Ndu blau ntôn.