II Phung Hađăch 24:12 - Nau Brah Ndu Ngơi 2023

¹² Y-Jêhôjakin, hađăch Yuđa, nđâp mê̆ păng, phung oh mon păng, phung kôranh tahan păng, jêh ri phung kôranh bu char, jao săk khân păng nơm ma hađăch Babilôn. Hađăch Babilôn nhŭp Y-Jêhôjakin tâm năm rơh pham bri hađăch Babilôn.

II Phung Hađăch 24:12 ပူးပေါင်းရင်းမြစ်များ

II Phung Hađăch 20:18

‘Tâm phung kon may, phung bu deh jêh ăn ma may, bu mra nhŭp djôt leo khân păng mra jêng kôranh bu char tâm ngih hađăch Babilôn.’”

II Phung Hađăch 24:11

Nêbukatnetsar, hađăch Babilôn, tâm ban lĕ văch lơh tâm ƀon dôl phung tahan păng nchueng jŭm ƀon.

II Phung Hađăch 25:27

Tâm nar bar jât ma pơh khay jât ma bar, năm rơh pe jât ma pơh ntơm bơh nar Y-Jêhôjakin, hađăch Yuđa, jêng bu nă, jêng năm Y-Êvil-Mêrôdak, hađăch Babilôn ntơm chiă uănh, hađăch nây yô̆ an ma Y-Jêhôjakin, hađăch Yuđa, njŭn leo luh bơh ndrung bu nă.

II Phung Hađăch 25:8

Tâm nar pơh tâm khay prăm, năm rơh jât ma sĭn rnôk rô̆ hađăch Nêbukatnetsar chiă uănh, hađăch Babilôn, kôranh phung tahan gak Y-Nêbusaradan, du huê oh mon hađăch Babilôn, tât tâm ƀon Yêrusalem.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Êsther 2:5

Tâm ƀon bri hađăch Susa, geh du huê bunuyh Yuđa, amoh Y-Môrdêkai, kon bu klâu Y-Jar, sau Y-Simei, se Y-Kis, bunuyh Benjamin.

Êsther 2:6

Păng jêng bunuyh bu veng ndrel tă bơh Yêrusalem hăn ƀư bu nă du rơh ndrel Y-Jêkônia, hađăch Yuđa, nơm Y-Nêbukatnetsar, hađăch Babilôn hŏ nhŭp jêh khân păng ƀư dĭk.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 24:1

Brah Yêhôva ăn gâp saơ bar mlâm bĭ play rvi dơm panăp ngih Brah Yêhôva. Nau aơ tât geh jêh Nêbukatnetsar, hađăch Babilôn, nhŭp Y-Jêkônia kon bu klâu Y-Jêhôjakim, hađăch Yuđa, ndrel ma phung kôranh bri Yuđa, phung blau rhăk jêh ri phung chiăr luh bơh Yêrusalem, njŭn leo ma bri Babilôn ƀư jêng bu nă.

Yêrêmi 25:1

Tâm năm rơh puăn rô̆ Y-Jêhôjakim, kon bu klâu Y-Jôsia, hađăch Yuđa, nây jêng năm rơh nguay rô̆ Y-Nêbukatnetsar, hađăch bri Babilôn, geh nau lah ma Y-Yêrêmi lah tât ma lĕ rngôch phung ƀon lan Yuđa.

Yêrêmi 27:20

nây jêng đơ ndơ Y-Nêbukatnetsar, hađăch Babilôn, ê hŏ djôt leo ôh dôl nhŭp Y-Jêkônia, kon bu klâu Y-Jêhôjakim, hađăch Yuđa, bơh Yêrusalem njŭn leo ma n'gor Babilôn ndrel ma lĕ rngôch phung ndrŏng n'gor Yuđa jêh ri Yêrusalem.

Yêrêmi 36:30

Yor nau nây, Brah Yêhôva lah ma Y-Jêhôjakim, hađăch Yuđa pô aơ: ‘Păng mâu mra geh du huê nơm gŭ ta sưng hađăch Đavit; săk jăn păng bu mra pla lơi tâm nklang duh dôl nar, jêh ri ăn bĕ dak ngom tâm dôl măng.

Yêrêmi 37:1

Y-Sêdêkia, kon bu klâu Y-Jôsia, nơm Y-Nêbukatnetsar hađăch Babilôn ntăm ƀư jêng hađăch n'gor Yuđa ntrok an ma Y-Jêhôjakin, kon bu klâu Y-Jêhôjakim.

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Yêrêmi 52:28

Aơ jêng rnoh phung ƀon lan Y-Nêbukatnetsar njŭn jêng bu nă: Tâm năm rơh pơh, geh pe rbăn bar jât ma pe phung Yuđa.

Yêrêmi 52:31

Tâm năm rơh pe jât ma pơh rnôk Y-Jêhôjakin hađăch Yuđa jêng bu nă, nây jêng Y-Êvil-Mêrôdak, hađăch Babilôn ntơm chiă uănh, ta nar bar jât ma prăm tâm khay jât ma bar, hađăch aơ yô̆ an ma Y-Jêhôjakin, hađăch Yuđa, jêh ri luh bơh ndrung bu nă.

Êsêkiêl 1:2

Ta năng prăm khay nây — jêng năm rơh prăm pakơi bu mprơh Hađăch Jêhôjakin jêng bu nă —

Êsêkiêl 17:12

“Lah hom ma ngih tâm rdâng nây pô aơ: ‘Khân may mâu gĭt nau nây mâm nau rblang?’ Đă hom ma khân păng: ‘Ri, hađăch Babilôn tât jêh ta ƀon Yêrusalem, nhŭp hađăch jêh ri lĕ rngôch phung ndrŏng djôt leo ma Babilôn ndrel ma păng.

Êsêkiêl 17:4

Păng nkê̆ch n'gĭng nse prêh klơ leo tât ma du n'gor bri tăch rgâl jêh ri dơm tâm du ƀon ma phung tăch drăp.

Êsêkiêl 19:1

Pôri may rŏ hom nau mprơ rngot ma phung kôranh chiă uănh Israel

Êsêkiêl 19:13

Aƀaơ ri bu tăm tay păng tâm bri rdah, Tâm neh sơh jêh ri mâu geh dak.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.