II Phung Hađăch 24:1 - Nau Brah Ndu Ngơi 2023

¹ Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Phung Hađăch 24:1 ပူးပေါင်းရင်းမြစ်များ

II Phung Hađăch 17:5

Jêh nây hađăch Asiri hăn lơh lĕ n'gor jêh ri nchueng jŭm ƀon Samari tâm pe năm.

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

II Nau Rêh Jêng 36:1

Phung ƀon lan tâm bri aơ njêng Y-Jôacha, kon bu klâu Y-Jôsia, ƀư hađăch ntrok mbơ̆ păng ta ƀon Yêrusalem.

Êsra 4:12

Mbah hađăch gĭt rah vah phung Yuđa tă bơh ntŭk hađăch gŭ hŏ hăn tât ntŭk hên ta ƀon Yêrusalem. Khân păng dôl ndâk nkra tay nau tâm rdâng jêh ri nau mhĭk ngăn; khân păng ntơm ndâk nkra tay mpêr ƀon, bi mbon hŏ nkra lôch jêh.

Êsai 36:5

Gâp ôp may pô aơ may mĭn knŏng ma rplay ngơi dơm dam dơi rgâl nau blau nchră jêh ri nau dăng ktang gay tâm lơh hĕ? Aƀaơ ma mbu may rnơm nsing kŏ tât may janh tâm rdâng đah gâp?

Yêrêmi 25:1

Tâm năm rơh puăn rô̆ Y-Jêhôjakim, kon bu klâu Y-Jôsia, hađăch Yuđa, nây jêng năm rơh nguay rô̆ Y-Nêbukatnetsar, hađăch bri Babilôn, geh nau lah ma Y-Yêrêmi lah tât ma lĕ rngôch phung ƀon lan Yuđa.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 35:1

Lăp tâm rô̆ Y-Jêhôjakim, kon bu klâu Y-Jôsia, hađăch n'gor Yuđa, geh nau ngơi tă bơh Brah Yêhôva lah ma Y-Yêrêmi pô aơ:

Yêrêmi 35:11

Ƀiălah rnôk Y-Nêbukatnetsar, hađăch Babilôn, văch lơh bri dak aơ, hên tâm lah ndrăng nơm: ‘Kay lŏng he hăn hao Yêrusalem gay der ma phung tahan Kaldê jêh ri phung tahan Siri.’ Yor nây, hên gŭ tâm ƀon Yêrusalem.”

Yêrêmi 36:1

Tâm năm rơh puăn rô̆ Y-Jêhôjakim, kon bu klâu Y-Jôsia, hađăch Yuđa, geh nau Brah Yêhôva lah ma Y-Yêrêmi:

Yêrêmi 45:1

Aơ jêng nau nơm mbơh lor Y-Yêrêmi ngơi ma Y-Baruk, kon bu klâu Y-Nêria, dôl păng nchih tâm du ndrom samƀŭt lĕ nau tă bơh Y-Yêrêmi răk ăn ma păng, tâm năm tal puăn rơh Y-Jêhôjakim, kon bu klâu Y-Jôsia hađăch Yuđa:

Yêrêmi 46:2

Ma bri Êjipt, aơ jêng nau mhe mhan ăn ma phung tahan Pharaôn Nêkô, hađăch Êjipt, nây jêng phung tahan Y-Nêbukatnetsar, hađăch Babilôn, hŏ dơi jêh ta ƀon Karkêmis, dăch ta kơh dak krong Ơphrat tâm năm rơh puăn Y-Jêhôjakim, kon bu klâu Y-Jôsia, hađăch Yuđa:

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Êsêkiêl 19:8

Lĕ rngôch bri dak gŭ ăp ntŭk jŭm păng Hao tâm rdâng đah păng, Drăng nhuăl ta klơ păng; Bu nhŭp păng tâm trôm ntu.

Êsêkiêl 21:14

“Hơi kon bunuyh, ngơi mbơh lor hom pô aơ: ‘Brah Yêhôva lah: Ngơi hom pô aơ: Du mlâm đao, du mlâm đao mplanh jêh ri chrêk!

Daniel 1:1

Tâm năm tal pe rnôk rô̆ hađăch Jêhôjakim phung Yuđa, hađăch Babilôn jêng Y-Nêbukatnetsar văch nchueng jŭm ƀon Yêrusalem.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Habakuk 1:6

Aơ, Gâp nsônh phung Kaldê văch hao lơh; Khân păng jêng du phung ƀon lan djơh ngăn mâu djân bu ôh, Phung hăn lăp tâm ăp n'gor bri neh ntu dŭt huy, Gay pit âk ntŭk gŭ mâu di ôh ntŭk khân păng nơm.