II Phung Hađăch 23:7 - Nau Brah Ndu Ngơi 2023

⁷ Păng ƀư rlâm lơi ngih phung bu klâu văng tĭr tâm ngih Brah Yêhôva, ta ntŭk nây phung bu ur tanh vâl bok ma rup Asêra.

II Phung Hađăch 23:7 ပူးပေါင်းရင်းမြစ်များ

I Phung Hađăch 14:24

Tâm n'gor bri geh đŏng bu klâu văng tĭr pah kan tâm lĕ jây rhŏ brah. Khân păng ƀư tĭng kơt lĕ nau rmot tâm phung ndŭl mpôl Brah Yêhôva mprơh jêh panăp phung ƀon lan Israel.

I Phung Hađăch 15:12

Păng mprơh lơi phung bu klâu văng tĭr luh bơh n'gor jêh ri ngroh lơi lĕ rngôch rup brah phung chô yau păng hŏ ƀư.

I Phung Hađăch 22:46

Lĕ kan êng Y-Jôsaphat, nau ktang hađăch, lĕ nau hađăch tâm lơh, bu hŏ nchih da dê tâm ndrom samƀŭt nau rêh jêng ma phung hađăch Yuđa.

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

Êsêkiêl 16:16

Ay sŏk kho ao ay ƀư jêng ntŭk prêh nkrơ̆ ueh gay ma ƀư nau văng tĭr ta nây. Lĕ nau tâm ban pônây tâm rnôk kăl e jêh ri pakơi aơ taơ mâu mra geh ôh.

Êsêkiêl 8:14

Jêh nây Păng leo gâp tât ma ntŭk lăp mpông pêr mpeh pa lơ tâm ngih Brah Yêhôva; ri, ta nây gâp saơ phung bu ur gŭ nhĭm ma brah Y-Tamus.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Ndrom Samƀŭt bơh Ôsê 4:13

Khân păng nhhơr ndơ ƀư brah ta klơ n'gơn yôk prêh, Su ndơ ƀâu kah ta klơ lĕ yôk, Tâm dâng tơm si guyh, tơm si pôplar, tơm n'ho, Yorlah gui n'hâm păng ueh ngăn. Yor nây kon bu ur khân may ƀư nau ka n'hong, Ƀăn khân may văng tĭr.

Ndrom Samƀŭt bơh Ôsê 4:14

Gâp mâu mra tâm rmal kon bu ur khân may yor tih ka n'hong, Mâu lĕ tâm rmal ƀăn khân may yor tih văng tĭr; Yorlah phung bu klâu khân may nơm hăn gŭ ndrel ma phung ka n'hong, Nhhơr mpa ƀư brah ndrel ma bu ur ka n'hong; Du phung ndŭl mpôl bunuyh mâu gĭt rbăng mra geh rai yot.

Nau Kơp Bunuyh 25:1

Nôk phung ƀon lan Israel dôl gŭ ta Sitim, khân păng ntơm ƀư tih văng tĭr đah phung kon bu ur Môap.

Nau Vay Nkah Tay 23:17

Lơi ăn ôh du huê kon bu ur mâu lah kon bu klâu Israel dơi ƀư nau văng tĭr tâm ntŭk rhŏ brah.