II Phung Hađăch 23:3 - Nau Brah Ndu Ngơi 2023

³ Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

II Phung Hađăch 23:3 ပူးပေါင်းရင်းမြစ်များ

II Phung Hađăch 11:14

Păng saơ hađăch gŭ dâk êp meh n'gâng prêh tĭng nâm nau vay rƀŭn, geh phung kôranh jêh ri phung bunuyh uh nŭng gŭ dâk êp kêng hađăch. Lĕ rngôch phung ƀon lan tâm n'gor hâk răm da dê ta nklang bâr nŭng huy ngăn. H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr ro yơh!”

II Phung Hađăch 11:17

Y-Jêhôida ƀư nau tâm rnglăp Brah Yêhôva đah hađăch jêh ri đah phung ƀon lan, gay gĭt năl khân păng mra jêng phung ƀon lan ma Brah Yêhôva. Păng ƀư đŏng nau tâm rnglăp ndrăng păng đah phung ƀon lan.

II Nau Rêh Jêng 15:15

Lĕ rngôch phung Yuđa hâk răm yor nau ton săk nây, yorlah khân păng ton săk jêh ma lĕ nuih n'hâm, tǐng joi Brah Yêhôva ma lĕ nau ktang jêh ri dơi mâp Păng. Brah Yêhôva ăn ma khân păng nau đăp mpăn tâm puăn mpeh.

II Nau Rêh Jêng 23:13

Păng uănh saơ hađăch gŭ dâk klơ knưl ta mpông ntŭk lăp, kôranh chiă uănh toyh jêh ri phung bunuyh uh nŭng gŭ dâk êp kêng hađăch, bi lĕ rngôch phung ƀon lan tâm n'gor hâk răm uh nŭng da dê, jêh ri phung mprơ ndrel lĕ ntil gong tâm rnê da dê. Saơ pônây, H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr!”

II Nau Rêh Jêng 23:16

Y-Jêhôida ƀư nau tâm rnglăp păng nơm đah lĕ rngôch phung ƀon lan jêh ri đah hađăch, gay ma khân păng ton nanê̆ mra jêng phung ƀon lan ma Brah Yêhôva.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

Êsra 10:3

Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

Nêhêmi 10:1

Aơ jêng amoh phung tâp pŏng samƀŭt tâm rnglăp nây geh: Kôranh chiă uănh Y-Nêhêmi, kon bu klâu Y-Hakalia, nđâp ma Y-Sêdêkia.

Nêhêmi 5:13

Gâp ăt rtuh ntôr ao jâr gâp jêh ri lah: “Mbu mâu ƀư tĭng nau ton aơ, dăn ma Brah Ndu rtuh hom lĕ ngih jêh ri drăp ndơ păng. Pônây bu mra rtuh lơi păng jêh ri nsoih tâm ti păng tâm ban pônây!” Lĕ rngôch phung tâm rƀŭn lah: “Amen” jêh ri khân păng tâm rnê ma Brah Yêhôva. Pôri phung ƀon lan ƀư tĭng nâm nau ton nây da dê.

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nơm Nti 8:2

Gâp ntĭm djôt prăp hom nau ntrŭnh bơh hađăch ntăm, yorlah Brah Ndu geh sơm ton ma hađăch.

Yêrêmi 34:15

Aƀaơ aơ, khân may hŏ plơ̆ tay jêh ri ƀư nau di tâm dâng măt Gâp, lah mbơh nau kon me ăn ma nơm chiau meng păng. Khân may hŏ ƀư nau tâm rnglăp tanăp măt Gâp, tâm ngih dơi ntơ ma amoh Gâp.

Yêrêmi 34:8

Jêh hađăch Sêdêkia ƀư jêh du nau tâm rnglăp đah lĕ rngôch phung ƀon lan ta ntŭk Yêrusalem, mbơh nau kon me ăn ma khân păng pôri geh nau Brah Yêhôva lah ma Y-Yêrêmi:

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

Nau Vay Nkah Tay 11:13

Pônây tơlah khân may tông ngăn lĕ nau vay ntăm bơh gâp ntĭnh ma khân may nar aơ, rŏng ma Yêhôva Brah Ndu khân may jêh ri pah kan ma Păng ma lĕ nuih n'hâm, ma lĕ huêng khân may,

Nau Vay Nkah Tay 13:4

Ăn khân may hăn tĭng ndô̆ Yêhôva Brah Ndu khân may, klach yơk ma Păng, djôt prăp lĕ nau vay Păng ntăm, tông bâr tĭng nau Păng ngơi, pah kan ma Păng jêh ri gŭ tâm rnglăp đah Păng.

Nau Vay Nkah Tay 29:1

Aơ jêng lĕ nau ngơi tâm nau tâm rnglăp Brah Yêhôva ntĭm jêh ma Y-Môis ăn ƀư đah phung ƀon lan Israel ta n'gor Môap, rlau ma nau tâm rnglăp Păng hŏ ƀư jêh ma khân păng ta yôk Hôrep.

Nau Vay Nkah Tay 4:45

Aơ jêng lĕ nau ntrŭnh jêh ri lĕ nau vay dăp jêh ri lĕ nau vay ƀư bơh Y-Môis ngơi jêh ma phung ƀon lan Israel, nôk khân păng luh bơh n'gor Êjipt,

Nau Vay Nkah Tay 6:1

“Aơ jêng nau vay ntăm, lĕ nau vay dăp jêh ri lĕ nau vay ƀư bơh Yêhôva Brah Ndu khân may ntăm jêh ma gâp ntĭm nti tay khân may, gay khân may djôt prăp nôk gŭ tâm n'gor khân may bơi hăn lăp dơn ƀư drăp ndơn.

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,