II Phung Hađăch 23:29 - Nau Brah Ndu Ngơi 2023

²⁹ Tâm rnôk rô̆ Y-Jôsia, Pharaôn Nêkô, hađăch Êjipt, hăn hao lơh hađăch Asiri ta bơh dak krong Ơphrat. Hađăch Jôsia leo phung tahan păng hăn tâm lơh. Ƀiălah Pharaôn Nêkô lĕ saơ jêh Y-Jôsia, nkhĭt ro păng ta ƀon Mêgidô.

II Phung Hađăch 23:29 ပူးပေါင်းရင်းမြစ်များ

I Phung Hađăch 4:12

Y-Bana, kon bu klâu Y-Ahilut, chiă uănh tâm n'gor Tanak, Mêgidô, jêh ri lĕ n'gor Bet-Sêan, n'gor dăch Sarêthan, mpeh tâm dâng Jesrêel, ntơm bơh Bet-Sêan tât ma Abel-Mêhôla jêh ri tât ma mpeh kơh tê̆ ƀon Jôkmêam;

II Phung Hađăch 14:11

Ƀiălah Y-Amasia mâu ŭch iăt ôh. Pôri, Y-Jôas hađăch Israel, dâk hao, jêh nây păng jêh ri Y-Amasia hađăch Yuđa tâm lơh ta ƀon Bet-Sêmes, tâm n'gor phung Yuđa.

II Phung Hađăch 14:8

Jêh nau nây, Y-Amasia prơh phung mbơh hăn mâp đah Y-Jôas, kon Y-Jôacha, sau Y-Jêhu, hađăch Israel, nđâp ma nau ngơi nsônh nuih: “Văch hom, lŏng nâl ăn he tâm lơh.”

II Phung Hađăch 22:20

Aơ, Gâp mra ăn ma may rgum ndrel ma phung chô yau may, jêh ri bu mra tâp may tâm môch ma nau đăp mpăn. Măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ.’” Khân păng plơ̆ mbơh tay ma hađăch lĕ nau ngơi nây.

II Phung Hađăch 23:28

Mâu di hĕ lĕ kan êng Y-Jôsia jêh ri lĕ nau păng ƀư jêh, bu hŏ nchih da dê jêh tâm ndrom samƀŭt nau rêh jêng ma phung hađăch Yuđa?

II Phung Hađăch 24:7

Hađăch Êjipt mâu hôm du luh tă bơh n'gor bri păng ôh, yorlah hađăch Babilôn pit sŏk jêh lĕ rngôch n'gor jêng ndơ hađăch Êjipt, ntơm bơh dak n'hor Êjipt tât ma dak krong Ơphrat.

II Phung Hađăch 9:27

Tơlah Y-Ahasia, hađăch Yuđa, saơ nau nây, păng nchuăt du rlet ma mpeh ƀon Bet-Hagan. Ƀiălah Y-Jêhu hăn tĭng jêh ri ntăm: “Lơh nkhĭt hom păng dôl gŭ ta klơ ndeh seh, ta sop Gur, dăch ƀon Iblêam!” Y-Ahasia sôt jêh ri nchuăt du tât ta Mêgidô, jêh ri khĭt ta nây.

Nơm Nti 8:14

Hôm geh du ntil nau dơm dam aơ đŏng tât geh ta klơ neh: Geh âk phung sŏng srăng geh nau tât nâm bu nau tât ma phung djơh mhĭk; geh đŏng âk phung mhĭk dơi mâp nau ueh nâm bu khân păng hŏ ƀư nau sŏng srăng. Gâp ngơi pô aơ nau aơ ăt jêng nau dơm dam.

Yêrêmi 22:10

Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Yêrêmi 22:11

Yorlah Yêhôva lah ma Y-Salum, kon bu klâu Y-Jôsia hađăch Yuđa, nơm chiă uănh thoi ntrok mbơ̆ păng jêng Y-Jôsia, jêh ri jêng bunuyh hŏ du jêh bơh ntŭk aơ nâm bu pô aơ: ‘Hađăch nây mâu mra plơ̆ ta nĕ đŏng ôh,

Yêrêmi 22:12

ƀiălah mra khĭt ntŭk n'gor bu njŭn leo jêng bu nă jêh ri păng mâu hôm saơ đŏng ôh bri aơ.’

Yêrêmi 46:2

Ma bri Êjipt, aơ jêng nau mhe mhan ăn ma phung tahan Pharaôn Nêkô, hađăch Êjipt, nây jêng phung tahan Y-Nêbukatnetsar, hađăch Babilôn, hŏ dơi jêh ta ƀon Karkêmis, dăch ta kơh dak krong Ơphrat tâm năm rơh puăn Y-Jêhôjakim, kon bu klâu Y-Jôsia, hađăch Yuđa:

Yêrêmi 46:6

“Bunuyh ngăch jâng ăt mâu dơi du ôh, Nơm dăng ktang ăt mâu dơi klaih lĕ; Tâm mpeh pa lơ, ta kơh dak krong Ơphrat, Khân păng chêh prah sa mok!

Êsêkiêl 19:1

Pôri may rŏ hom nau mprơ rngot ma phung kôranh chiă uănh Israel

Sakari 12:11

Ta nar nây, nau nhĭm vơl tâm ƀon Yêrusalem mra jêng toyh, nâm bu nau nhĭm vơl Hadat-Rimôn tâm neh lâng Mêgidô.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Yôsuê 17:11

Tâm n'gor neh Isakar jêh ri phung Aser, Manasê hôm geh ƀon Bet-Sêan nđâp ma lĕ ƀon jê̆ păng jêh ri ƀon Iblêam nđâp ma ƀon jê̆ păng, n'ho ma lĕ phung bunuyh gŭ tâm ƀon Dôrơ nđâp ma lĕ ƀon jê̆ păng, phung bunuyh gŭ tâm ƀon Ên-Dôr nđâp ma lĕ ƀon jê̆ păng, phung bunuyh gŭ tâm ƀon Tanak nđâp ma lĕ ƀon jê̆ păng, phung bunuyh gŭ tâm ƀon Mêgidô nđâp ma lĕ ƀon jê̆ păng, jêh ri ƀon tal pe jêng Naphat.

Nau Tâm Mpơl 16:16

Khân păng tâm rgum phung hađăch tâm du ntŭk, tâm nau ngơi Hêbrơ rnha jêng Harmagêdôn.

Phung Kôranh Phat Dôih 1:27

Ndŭl mpôl Manasê mâu dơi mprơh ôh phung ƀon lan gŭ tâm ƀon Bet-Sêan jêh ri n'gor jŭm păng, mâu lah phung ƀon lan gŭ ta Tanak jêh ri n'gor jŭm păng, mâu lah phung ƀon lan gŭ tâm ƀon Dôrơ jêh ri n'gor jŭm păng, mâu lah phung ƀon lan gŭ tâm ƀon Iblêam jêh ri n'gor jŭm păng, mâu lah phung ƀon lan gŭ tâm ƀon Mêgidô jêh ri n'gor jŭm păng. Yor ri, phung Kanaan hôm e gŭ tâm n'gor nây.

Phung Kôranh Phat Dôih 5:19

Phung hađăch văch tât, khân păng hăn luh tâm lơh; Phung hađăch Kanaan tâm lơh Ta ƀon Tanak, dăch n'hong dak Mêgidô; Ƀiălah khân păng mâu sŏk pit ôh prăk hên!