II Phung Hađăch 23:26 - Nau Brah Ndu Ngơi 2023

²⁶ Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

II Phung Hađăch 23:26 ပူးပေါင်းရင်းမြစ်များ

II Phung Hađăch 22:13

“Hăn hom ôp ma Brah Yêhôva ăn ma gâp, ma phung ƀon lan, jêh ri ma lĕ rngôch phung Yuđa, ma lĕ nau nchih tâm ndrom samƀŭt hŏ joi saơ jêh. Brah Yêhôva ji nuih hâu ngăn ma he, yorlah phung chô yau he mâu tông ôh ma lĕ nau ngơi tâm ndrom samƀŭt aơ, jêh ri mâu ƀư tĭng nâm nau hŏ ntăm jêh ma phung he.”

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

II Phung Hađăch 24:3

N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

II Nau Rêh Jêng 35:20

Lah Y-Jôsia hŏ lôch jêh nau kan ndâk njêng tay nau yơk mbah ta ngih brah geh Y-Nêkô hađăch Êjipt, djôt tahan hăn hao ŭch lơh ta ƀon Karkêmis ta kơh dak krong Ơphrat. Y-Jôsia leo phung tahan tât tâm rdâng đah păng.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Êsra 10:14

Pônây, dăn ma phung kôranh chiă uănh hên dâk ta nây tâm tang ma lĕ rngôch phung tâm rƀŭn. Lĕ rngôch phung hŏ nsông jêh ur bu năch tâm lĕ rngôch ƀon, hăn tât ndrel ma phung bu ranh jêh ri phung kôranh phat dôih bơh ăp rplay ƀon khăn păng nơm tĭng năng nar tâm nal, gay dăp nkra kan aơ kŏ tât nau ji nuih bơh Brah Ndu he aih jêh.”

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.