II Phung Hađăch 23:25 - Nau Brah Ndu Ngơi 2023

²⁵ Lor panăp Y-Jôsia, mâu mâp geh ôh du huê hađăch tâm ban ma păng, nơm plơ̆ sĭt ma Brah Yêhôva ma lĕ nuih n'hâm, ma lĕ huêng, jêh ri ma lĕ nau ktang păng, tĭng nâm lĕ nau vay Y-Môis tâm ban ma păng; jêh ri pakơi Y-Jôsia mâu đŏng geh nơm ƀư tâm ban kơt nây.

II Phung Hađăch 23:25 ပူးပေါင်းရင်းမြစ်များ

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

II Phung Hađăch 18:5

Y-Hêsêkia nsing ma Yêhôva Brah Ndu Israel, tât mâu geh nơm nâm bu păng tâm lĕ rngôch phung hađăch Yuđa pakơi ma păng, mâu geh lĕ tâm phung hađăch lor panăp păng.

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

Nêhêmi 10:29

tâm rnglăp ndrel phung oh nâu jêh ri phung ndrŏng khân păng gay sơm ton hăn tĭng tâm nau vay Brah Ndu hŏ ăn jêh ma Y-Môis, oh mon Păng, jêh ri djôt prăp, ƀư tĭng kơt lĕ rngôch nau vay ntăm, nau vay ƀư jêh ri nau vay dăp bơh Brah Yêhôva jêng Kôranh Brah hên.

Nêhêmi 10:30

Hên ton mâu mbloh phung kon druh hên ma phung ƀon lan gŭ ta n'gor nây jêh ri mâu đŏng nđăp kon druh khân păng ma kon ndăm hên.

Yêrêmi 22:15

Di lĕ may dơi ƀư hađăch, Yorlah may tâm rlong ndâk ngih ma tơm si sêdar lĕ? Mâu di hĕ mbơ̆ may hŏ nhêt sa Jêh ri ƀư nau sŏng ma nau di, Pôri dơi geh nau ndrŏng ktang nây hĕ?

Yêrêmi 29:13

Khân may mra joi Gâp jêh ri dơi mâp, lah khân may tĭng joi Gâp ma lĕ nuih n'hâm.”

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 7:19

Di lĕ Y-Môis ăn nau vay ma khân may? Ƀiălah mâu geh du huê tâm phung khân may djôt prăp nau vay nây ôh? Mâm ƀư khân may joi nau ƀư nkhĭt Gâp?”

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.