II Phung Hađăch 23:24 - Nau Brah Ndu Ngơi 2023

²⁴ Rlau ma nây, Y-Jôsia mprơh du lĕ rngôch phung gru rƀên jêh ri phung n'hŭm, lĕ rup brah jê̆ tâm ngih jêh ri lĕ rup brah êng, nđâp lĕ rngôch ndơ dŭt ƀơ̆ ƀơch bu saơ tâm n'gor Yuđa jêh ri tâm ƀon Yêrusalem. Hađăch ƀư lĕ nau nây gay ƀư tĭng kơt lĕ nau ngơi tâm nau vay hŏ nchih jêh tâm ndrom samƀŭt, kôranh ƀư brah Y-Hilkia joi saơ tâm ngih Brah Yêhôva.

II Phung Hađăch 23:24 ပူးပေါင်းရင်းမြစ်များ

Nau Ntơm 31:19

Tâm nôk Y-Laban hăn nkăp rsau biăp, H'Rachel ntŭng lĕ rup brah tâm ngih mbơ̆ păng.

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:21

Tâm lĕ nau, păng hăn tĭng lĕ trong mbơ̆ păng hăn jêh, mbah ma phung rup brah mbơ̆ păng hŏ mbah jêh ri chon mbah tanăp măt khân păng.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 21:6

Păng nhhơr kon păng tâm ŭnh gay ndơ ƀư brah ma brah, ƀư nau sek uănh mănh jêh ri nau ƀŭk rƀên, dăn ôp phung gru rƀên jêh ri phung n'hŭm. Păng ƀư âk nau djơh tanăp măt Brah Yêhôva gay nsônh Păng ji nuih.

II Phung Hađăch 23:23

Kŏ tât ta năm rơh jât ma pham rnôk rô̆ hađăch Jôsia chiă uănh, bu ntơm ndray prăp rƀŭn Nau Găn tâm ban pônây ma Brah Yêhôva ta Yêrusalem.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Yakơ 1:25

Ƀiălah mbu nơm sek uănh nanê̆ nau vay di ngăn nây, jêng nau vay djôt leo nau jêng kon me, jêh ri nuih n'hâm srôih sek uănh, mâu di knŏng tăng jêh ri chuêl lơi, ƀiălah păng ƀư tĭng nâm nau nây, bunuyh nĕ mra geh nau ueh maak ngăn tâm kan păng nơm.

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

Phung Kôranh Phat Dôih 17:5

Pônây, ngih Y-Mika jêng du ntŭk jay rhŏ brah. Păng ƀư du mlâm êphôt, jêh ri rup brah jê̆, jêh nây njêng du huê kon bu klâu păng ƀư kôranh ƀư brah.