II Phung Hađăch 23:2 - Nau Brah Ndu Ngơi 2023

² Jêh nây hađăch hăn hao rlet ma ngih Brah Yêhôva ndrel ma lĕ rngôch phung Yuđa, lĕ rngôch phung ƀon lan tâm ƀon Yêrusalem, phung kôranh ƀư brah, nơm mbơh lor, nđâp lĕ rngôch phung ƀon lan, jê̆ mâu lah toyh. Păng răk ăn khân păng tăng lĕ rngôch nau ngơi tâm ndrom samƀŭt nau tâm rnglăp bu joi saơ jêh tâm ngih Brah Yêhôva.

II Phung Hađăch 23:2 ပူးပေါင်းရင်းမြစ်များ

Nau Ntơm 19:11

jêh nây rmal phung bu klâu padih mpông, ntơm bơh mom ndăm tât bu ranh, ƀư chieh măt da dê, kŏ tât khân păng lĕ huăr jêh joi mpông ƀiălah mâu dơi.

I Phung Hađăch 8:9

Tâm Hip Nau Tâm Rnglăp mâu geh du ndô ndơ êng ôh knŏng bar plơp lŭ Y-Môis hŏ n'gân tâm nây dôl hôm gŭ ta Hôrep, jêng ntŭk Brah Yêhôva hŏ ƀư nau tâm rnglăp đah phung Israel, dôl khân păng mhe du luh bơh Êjipt.

II Phung Hađăch 22:8

Kôranh ƀư brah toyh lơn Y-Hilkia lah ma kôranh nchih samƀŭt Y-Saphan: “Gâp joi saơ jêh ndrom samƀŭt nau vay tâm ngih Brah Yêhôva.” Y-Hilkia jao ndrom samƀŭt nây ma Y-Saphan răk.

II Nau Rêh Jêng 15:13

Lĕ rngôch bunuyh mbu moh mâu tǐng joi Yêhôva Brah Ndu phung Israel, bu mra nkhĭt lơi, nđâp lah mom mâu lah ranh, bu klâu mâu lah bu ur.

II Nau Rêh Jêng 17:9

Khân păng djôt leo ndrom samƀŭt nau vay Brah Yêhôva, hăn lam lĕ ƀon tâm n'gor Yuđa gay nti ma phung ƀon lan.

Nêhêmi 13:1

Tâm nar nây, bu răk ndrom samƀŭt Y-Môis ăn phung ƀon lan iăt jêh ri saơ tâm nây geh nchih phung Ammôn jêh ri phung Môap ƀaƀơ n'ho ro mâu dơi lăp ôh tâm nau tâm rƀŭn Brah Ndu,

Nêhêmi 9:3

Khân păng dâk du ntŭk jêh ri rŏ tâm ndrom samƀŭt nau vay Yêhôva Brah Ndu du kô̆ tâm puăn nar, jêh ri prăp du kô̆ tâm puăn êng gay khân păng mbơh nau tih jêh ri yơk mbah Yêhôva Brah Ndu khân păng.

Êsther 1:5

Tơlah lĕ nar nây lôch jêh, hađăch nkra nau sông sa toyh ma lĕ rngôch phung ƀon lan gŭ ta nây tâm ƀon Susa, ntơm bơh bunuyh toyh lư tât ma bunuyh jê̆, tâm pơh nar ta ntŭk n'gar kao ngih hađăch.

Ndrom Samƀŭt bơh Yôp 3:19

Bunuyh toyh phung jê̆ jêng tâm ban da dê, Jêh ri bunuyh dĭk bu dơi jêng kon me luh bơh kôranh păng.

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Yêrêmi 34:8

Jêh hađăch Sêdêkia ƀư jêh du nau tâm rnglăp đah lĕ rngôch phung ƀon lan ta ntŭk Yêrusalem, mbơh nau kon me ăn ma khân păng pôri geh nau Brah Yêhôva lah ma Y-Yêrêmi:

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

Nau Vay Nkah Tay 31:26

“Sŏk hom ndrom samƀŭt nau vay aơ jêh ri dơm păng ta meng Hip Nau Tâm Rnglăp Yêhôva Brah Ndu khân may. Ndrom samƀŭt aơ gŭ ta nây mra nâm bu nau mbơh tâm rdâng đah khân may,

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.

I Samuel 30:2

Khân păng nhŭp phung bu ur jêh ri lĕ rngôch phung gŭ tâm ƀon nây, phung jê̆ nđâp toyh. Khân păng mâu nkhĭt du huê ôh, ƀiălah nhŭp jêng bu nă jêh ri leo phung nây hăn.

I Samuel 5:9

Ƀiălah nôk khân păng leo nglăp Hip Nau Tâm Rnglăp tât ta Gat jêh ri ti Brah Yêhôva ƀư ma ƀon toyh nây, lĕ ƀon toyh nây krit klach ngăn. Păng dong phung ƀon lan tâm ƀon nây, ntơm bơh phung mom ndăm tât ma phung bu ranh geh nau tŭl ko da dê.