II Phung Hađăch 23:12 - Nau Brah Ndu Ngơi 2023

¹² Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

II Phung Hađăch 23:12 ပူးပေါင်းရင်းမြစ်များ

I Phung Hađăch 15:13

Hađăch n'glưh nsot mê̆ hađăch amoh H'Maka jêng hađăch bu ur, yorlah păng geh ndâk du mlâm rup brah Asêra, jêng Brah Yêhôva tâm rmot. Y-Asa ƀư rlâm lơi rup brah păng jêh ri su rup brah nây ta rlŭng Kidrôn.

II Phung Hađăch 10:26

ngluh lơi lĕ n'gâng mbah ngih brah Baal jêh ri su lơi păng.

II Phung Hađăch 21:4

Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Phung Hađăch 21:5

Tâm bar ndring nhuang ngih brah Brah Yêhôva, păng ndâk nơng ƀư brah ma phung mănh mbing.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Phung Hađăch 23:6

Păng sŏk lĕ rup brah Asêrah tă bơh ngih Brah Yêhôva luh padih ƀon Yêrusalem, tât ta n'hor dak Kidrôn, ta nây lĕ su ndơ nây ma ŭnh jêh ri juh se tât lêk, jêh nây mƀăr lơi ndơ môi nây ta klơ môch phung ƀon lan.

II Nau Rêh Jêng 15:16

Yor H'Maka, me hađăch Asa, hŏ ƀư jêh du mlâm rup brah ƀơ̆ ƀơch ma brah Asêra, ri dĭng hađăch Asa n'glưh nsot păng jêng mê̆ hađăch ôh, păng kăl lơi rup brah nây jêh ri nchah hăch jêh nây su tâm ŭnh ta rlŭng Kidrôn.

II Nau Rêh Jêng 33:15

Y-Manasê mƀăr lơi phung brah bu năch jêh ri rup brah luh bơh ngih Brah Yêhôva; hađăch mƀăr lơi đŏng lĕ rngôch nơng ƀư brah păng hŏ ƀư jêh ta klơ yôk geh ngih Brah Yêhôva jêh ri ta ƀon Yêrusalem, jêh ri klŭp mƀăr ndơ nây padih ƀon.

II Nau Rêh Jêng 33:5

Tâm bar ntŭk ndring nhuang ngih brah Brah Yêhôva, păng ndâk đŏng lĕ nơng ƀư brah ăn ma lĕ rngôch mănh klơ trôk.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Nau Vay Nkah Tay 22:8

Lah khân may ƀư du mlâm vâl mhe, ăn khân may ƀư mâng rgong jŭm chor vâl gay lơi ăn geh bunuyh tŭp tă bơh klơ chor vâl tât geh nau tih nkhŭt mham ta vâl khân may.