II Phung Hađăch 23:11 - Nau Brah Ndu Ngơi 2023

¹¹ Păng mƀăr lơi lĕ rngôch rup seh phung hađăch Yuđa prăp nhhơr ma nar, ta ntŭk mpông lăp ngih Brah Yêhôva, dăch jrô kôranh bu char Y-Nathan-Mêlek, tâm ndring ngih brah. Hađăch su ma ŭnh ndeh seh hŏ prăp nhhơr ma nar.

II Phung Hađăch 23:11 ပူးပေါင်းရင်းမြစ်များ

II Phung Hađăch 23:5

Păng mprơh lơi phung kôranh ƀư brah nây, jêng lĕ phung hađăch Yuđa hŏ njêng jêh, gây ma su ndơ ƀâu kah ta klơ lĕ ntŭk prêh tâm lĕ rngôch ƀon tâm n'gor Yuđa jêh ri tâm ăp ntŭk jŭm ƀon Yêrusalem. Hađăch mprơh đŏng phung kôranh ƀư brah su ndơ ƀâu kah ma brah Baal, ma nar, ma khay, ma mănh, jêh ri ma lĕ rngôch mănh mbing.

I Nau Rêh Jêng 26:18

Ta Parbar mpeh nhâp nar geh đŏng puăn nuyh gak: ta trong geh puăn bunuyh, jêh ri ta Parbar geh bar hê bunuyh.

II Nau Rêh Jêng 14:5

Păng chalơi đŏng lĕ rngôch ntŭk prêh klơ jêh ri nơng ƀư brah nhhơr ndơ ƀâu kah luh tă bơh lĕ ƀon phung Yuđa. Bri dak nây geh nau đăp mpăn dôl păng chiă uănh.

II Nau Rêh Jêng 34:4

Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

Ndrom Samƀŭt bơh Yôp 31:26

Tơlah gâp treng uănh nar nchrat ang, Uănh khay luh mpơl nchrang lơ vơ.

Êsêkiêl 40:17

Jêh ta nây, păng leo gâp lăp ta ndring ngih padih. Aơ, ntŭk aơ geh âk jrô jêh ri trong hăn krĭp lŭ jŭm nkual; trong hăn krĭp lŭ nây geh pe jât mlâm jrô.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.