II Phung Hađăch 22:20 - Nau Brah Ndu Ngơi 2023

²⁰ Aơ, Gâp mra ăn ma may rgum ndrel ma phung chô yau may, jêh ri bu mra tâp may tâm môch ma nau đăp mpăn. Măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ.’” Khân păng plơ̆ mbơh tay ma hađăch lĕ nau ngơi nây.

II Phung Hađăch 22:20 ပူးပေါင်းရင်းမြစ်များ

Nau Ntơm 25:8

Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng.

II Phung Hađăch 20:19

Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh.” Yor păng mĭn êng: “Mâu di hĕ tâm nau rêh gâp mra geh nau đăp mpăn jêh ri nau rnơm ƀơh?”

I Nau Rêh Jêng 17:11

Jêh nây tơlah tât jêh nar may mra khĭt hăn gŭ ndrel ma phung chô yau may, Gâp mra njêng noi deh may, jêng du huê tâm phung kon bu klâu may, n'hao chiă uănh ntrok may; Gâp mra ƀư nâp ktang ma ƀon bri hađăch păng.

II Nau Rêh Jêng 34:28

Aơ, Gâp mra ăn ma may rgum ndrel ma phung chô yau may, may mra khĭt tâm nau đăp mpăn jêh ri măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ jêh ri ma phung gŭ tâm ntŭk aơ.’” Jêh ri khân păng plơ̆ mbơh tay lĕ nau ngơi ma hađăch.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Yêrêmi 22:10

Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.